Wednesday, 22 January 2020

ஈழத்தமிழர் இனவழிப்பில் ரசியாவின் பங்கு-தமிழில் ந.மாலதி

உள்நாட்டு விவகரங்களில் ஏனையவர் தலையிட கூடாது என்று சிறிலங்காவுக்கு அண்மையில் வருகை தரும் சீன, ரசிய உயர்மட்ட அரசியல்வாதிகள் வாய்மொழிந் தருளியுள்ளார்கள். இவர்களின் பொன்மொழிகளின் பின்னணியை சிறிது ஆராய்வோம்.

 இராணுவ ஹெலிகொப்டர்களும் போர்விமானங்களும் ஈழத்தமிழர் மேல் குண்டுமழை பொழிந்து மக்களை அழித்தொழித்தது ஈழத்தமிழரின் ஆழ்மனதில் என்றும் அழியாமல் பதிந்துவிட்ட கொடூரம்.



2001ம் ஆண்டில் சிறிலங்கா இராணுவத்தின் ஜெயசிக்குறு போர் நடவடிக்கைகளை விடுதலைப்புலிகள் செக்மேற் நிலைக்கு கொண்டுவந்ததாலேயே போர்நிறுத்த ஒப்பந்தம் சாத்தியமானது. உடைக்கமுடியாதது என்று ஐ-அமெரிக்க பாதுகாப்பு நிபுணர்கள் விபரித்த சிறிலங்கா இராணுவத்தின் ஆனையிறவு தளத்தை விடுதலைப்புலிகள் அப்போது உடைத்தார்கள்.

இஸ்ரேயிலினதும் ரசியாவினதும் கிபிர்,மிக் விமானங்கள் புறப்படும் தளங்களை கொண்டுள்ள கட்டுநாயகா விமானதளத்தின் மீது அன்றைய விடுதலைப்புலிகளின் தாக்குதல் அவர்களின் இராணுவ வல்லமையை உலகுக்கு அறிவுறுத்தியது.

ஜெயசிக்குறு தோல்வியால் ஆத்திரமடைந்த இனவழிப்பு சிந்தனையில் ஊறிய சிறிலங்கா அரசு, தமிழீழ நடைமுறை அரசை அழிப்பதற்காக கொடூரமான ஆயுதங்களையும் தமிழருக்கு எதிராக கையாளும் திட்டங்களை தீட்டியது. டிசம்பர் 2000ம் ஆண்டில் சந்திரிகா குமாரதுங்கா ஆட்சி thermobaric ஆயுதங்கள் கொள்வனவு செய்ய முடிவு செய்தது.

ராஜபக்சா ஆட்சிக்கு முன்னரே, டிசம்பர் 2000ம் ஆண்டு,  சிறிலங்கா பாதுகாப்பு அமைச்சு 10,000 Thermobaric Flamethrowers வாங்குவதற்கு முடிவு எடுத்ததை உறுதிப்படுத்தும் ஆவணம்.

சிறிலங்கா அரசின் தாக்குதல்களை எதிர்க்கும் விடுதலைப்புலிகளின் வல்லமையை அழித்த 2009 நடவடிக்கைகளை முக்கியமாக மேற்குலகமும் இந்தியாவும் இணைந்து ஒருங்கமைத்தது கொடுத்தது. அதே நேரம் தமிழீழத்தின் அழிவுகளை சீனாவும் ரசியாவும் பாகிஸ்தானும் கொடுத்த அழிவாயுதங்கள் நடத்தி முடித்தன.

இவற்றைவிட கொடுமையாக 2009இல் தமிழீழ தனியரசை சிதைத்த குண்டுகளாக இருந்தவை, ஐ-அமெரிக்காவும் இந்தியாவும் கொடுத்த மூலோபாய புலனாய்வுகள், வழிநடத்தல்கள், ஆகாய மற்றும் கடல் கண்காணிப்புகள் தான். அத்துடன் அவர்கள் கொடுத்த இராணுவ ரீதியான கிளர்ச்சி எதிர்ப்பு ஆலோசனைகளும் இருந்தன. அதே சக்திகள்தான் ஈழத்தமிழர் புலம்பெயர் சமூகத்தின் மேல் ஒரு அரசியல் போரையும் அவிழ்த்துவிட்டு இருந்தன.

இதன் நோக்கம் தமிழர் போராட்டத்தின் உயிர்நாடியாக இருந்த புலம்பெயர் சமூகத்தின் ஆதரவை அழிப்பதே.

ஐ-அமெரிக்க கிளர்ச்சி-எதிர்ப்பானது ஆயுதங்கள் வழங்குவதாக கூறி, விடுதலைப்புலிகளின் இராணுவப்புலனாய்வு பிரிவுடன் தொடர்புடைய ஈழத்தமிழர் புலம்பெயர் சமூகத்திலிருந்த சில ஏமாளிகளை, கைது செய்து  அவர்களின் சொத்துக்களையும் முடக்கியது.

அதே நேரம், ஐ-அமெரிக்க இராணுவத்தின் புலனாய்வுடனும் ஆலோசனைகளுடனும் 30 மாதங்களாக இரகசியமாக தொடர்ந்த நடவடிக்கையில், விடுதலைப்புலிகளின் கப்பல்கள் சர்வதேச கடலில் தேடி அழிக்கப்பட்டன.

இதுவரை அறியப்பட்டவற்றில், நேரடியாக கொலைசெய்யாத ஆனாலும் மிகவும் தீர்க்கமான ஆயுதமாக அமைந்தது ஒன்றும் உண்டு. அதுதான் மே 2009 இல் ஐ-அமெரிக்க ஆலோசகரான Burns Strider அன்று ஐ-அமெரிக்க செயலாளராக இருந்து ஹிலரி கிளின்டனுக்கு அனுப்பிய மின்னஞ்சல்.

Strider ஹிலரியின் குரு. அவர் ஹிலரிக்கு அனுப்பிய மிக்கஞ்சலில் இவ்வாறு சொன்னார், ”விடுதலைப்புலிகள் முற்றாக தோற்கடிக்கப்பட வேண்டும். அதற்காக சிறிலங்கா அரசால் பொதுமக்கள் கொல்லப்பட்டால் அதை ஏற்றுக்கொள்ளலாம். அவ்வாறே களத்தில் நிற்கும் உலக வங்கியினதும் சர்வதேச நாணய நிதியத்தினதும் பிரதிநிதிகள் கருதுகிறார்கள்”

2009இல் தமிழீழ நடைமுறையரசு அழிக்கபபட்டதற்கு கோத்தபாயாவின் திறமை காரணமல்ல. அவருடைய இனவழிப்பு சிந்தனையும் உலக சக்திகள் கொடுத்த மூலோபாய உதவிகளுமே காரணம்.

போரின் உச்சக் காலகட்டத்தில் “இந்திய மூவரும்“ “ரோக்கியோ இணைத்தலைமைகளும்“ ஆற்றிய பங்கைப்பற்றி அண்மையில் தமிழ்தேசிய கூட்டமைப்பின் தலைவர் சம்பந்தன் சிறிலங்கா பாராளுமன்னத்தில் ஆற்றிய உரையில் பதியப்பட்டிருக்கிறது. இந்திய மூவரில் இருவரான அன்றைய தேசிய பாதுகாப்பு ஆலோசகர் M.K நாராயணன் மற்றும் அன்றைய  வெளிவிவகார செயலாளர் சிவசங்கர் மேனன் இருவரையும் சம்பந்தன் தனது உரையில் குறிப்பிட்டார். அவர் குறிப்பிடாத மூன்றாமவர் விஜய் சிங் அன்றைய பாதுகாப்பு செயலாளர்.

சிறிலங்காவுக்கு வருகை தரும் ரசியாவின் வெளிவிவகார அமைச்சர், லவ்ரோவ், சிறிலங்கா பத்திரிகைக்கு கொடுத்த மின்னஞ்சல் நேர்காணலில் ஐ-அமெரிக்கா முன்வைக்கும் “சுதந்திர திறந்த இந்தோ-பசுபிக் பிராந்தியம்” என்பது ஒரு ஒருங்கிணைக்கும் கோட்பாடு அல்ல என்றார். ”அதன் உண்மையதன நோக்கம் இப்பிராந்தியத்திலுள்ள அரசுகளுக்கிடையே அண்மையில் உருவாகியுள்ள உறவுகளை உடைத்து அவைகளை சிறு பிரிவுகளாக பிரித்து தனது மேலாதிக்கத்தை நிறுத்துவதே“ என்றார்.

அதிகார சக்திகள், ரசியா உட்பட,  கொண்டுவரும் அழிவுகளைப்பற்றி தமிழருக்கு நன்றாகவே தெரியும்.

இருந்தாலும் ரசியா வெளிவிவகார அமைச்சரின் கதையாடல் தீவிரவாத சிங்கள பௌத்த பிக்குகளின் கவனத்தை ஈர்க்கும். இனவழிப்பின் “புனித தலமான” இத்தீவில்  ஐ-அமெரிக்க பிரஜையான கோத்தபாயாவின் வருங்கால பங்கு எவ்வாறு இருக்கும் என்பதை கணிக்க வேண்டிய தேவை அவர்களுக்கு.

ரசியாவின் கொடூரமான ஆயுதங்கள் பற்றிய கவலை இப்போது தமிழருக்கு இல்லையெனினும், நேரடியாக கொலை செய்யாத ஆயுதங்களாக உள்ள கொழும்பு-மைய நோக்கிற்கு வலுவூட்டும் தற்போதைய உலக சக்திகளின் செயற்பாடுகள், தமிழர்கள் இத்தீவில் ஒரு தேசமான உள்ளதை எதிர்க்கிறது என்பது பற்றிய கவலை தமிழர்களுக்கு உண்டு.

இந்த இனவழிப்பு தீவின் “பிரிக்கமுடியாத பாதுகாப்பிற்காகவும்” சர்வதேச நீதியை வலுவிழக்கச் செய்யவும் ரசியா என்ன செய்யப்போகிறது என்பதை தமிழர் கவனமாக அவானிக்க வேண்டும்.

நன்றி தமிழ்நெற்

Tuesday, 7 January 2020

அவுஸ்திரேலிய காட்டுத்தீ பற்றிய சில குறிப்புகள்

1. ஏன் அவுஸ்திரேலியக் காடுகள் மாத்திரம் இப்படி எரிகிறது?



முக்கிய காரணம் இங்குள்ள காடுகளில் நிறைந்திருக்கும் யூகலிப்டஸ் மரங்கள். எங்கள் ஊர்ப்பாசையில் சொன்னால் விக்ஸ் அல்லது தைல மரங்கள். அம்மரங்களில் இலகுவில் தீப்பற்றக்கூடிய யூகலிப்டஸ் எண்ணெய் இருக்கிறது.  அதனால் பல மரங்கள் வெப்பநிலை அதிகமாகும்போது  சூடேறி வெடிக்கவும் செய்யும். அவுஸ்திரேலியாவின் சுதேசிய மரம் இது. அதனாலேயே சிகரட் நெருப்போ மின்னலோ அல்லது இயல்பாகவே சூடேறி வெடித்தோ காடு உடனேயே தீப்பற்றிவிடுகிறது. தவிர இங்கே காற்றில் ஈரப்பதன் இருப்பதில்லை. கொஞ்சம் வெயில் என்றாலும் மண்ணிலும் வளியிலும் குளிர்மை அகன்றுவிடும். இந்த சூழ்நிலையில் காற்றும் சேர்ந்துகொள்ள தீ இலகுவில் பற்றி விரிவடைய ஆரம்பிக்கிறது.

2. அப்படியானால் காட்டுத்தீ அவுஸ்திரேலியாவுக்குப் புதிதில்லையா? காலம் காலமாக இருப்பதா? 

காட்டுத்தீ காலம் காலமாக இங்கு இருப்பதுதான்.  காட்டுத்தீ இங்குள்ள உயிரினச் சுழற்சியின் ஒரு அம்சம். வெப்பநிலை அதிகரித்து மரங்கள் வெடிப்பதன்மூலம் மரங்களின் வித்துகள் பரம்பலடைகின்றன. சூழலைப்பயன்படுத்தி பிழைக்கும் கூர்ப்பின் யுக்தி இது.. யூகலிப்டஸ் மரங்கள் எரிந்தபின்னரும் அவற்றின் கருகிய கிளைகளுக்குள்ளாலிருந்து புதிதாக முளைவிட வல்லவை. தவிர காட்டுத்தீ புதிய ஒரு தாவர சுழற்சிக்கும் சிறிய செடிகளின் வளர்ச்சிக்கும் உறுதுணை செய்யும். காட்டுத்தீயை உள்வாங்கிய கூர்ப்பு இது.
 

3. காட்டுத் தீ காலங்காலமாக எரியும் ஒன்றென்றால் ஏன் இம்முறை மாத்திரம் இத்தனை பரபரப்பு?



காட்டுத்தீயின் அளவு இம்முறை அதிகமாயிருக்கிறது. பொதுவாக டிசெம்பர் இறுதியில் ஆரம்பிக்கும் காட்டுத்தீயின் பருவம் ஜனவரி, பெப்ரவரி மாதங்களில்தான் உச்சம் பெறுவதுண்டு. இம்முறை முதலாவது காட்டுத்தீ வசந்த காலத்தின் முதல்மாதமான செப்டம்பரிலேயே ஆரம்பித்துவிட்டது. பின்னர் நவம்பரில் தீவிரமடைந்தது. கோடைக்காலம் ஆரம்பித்தபின்னர் ஒரே சமயத்தில் பல இடங்களில் நெருப்புகள் எரிய ஆரம்பித்துவிட்டன. இது இந்த நாட்டுக்குப் புதிது. பொதுவாக ஒரே சமயத்தில் ஐந்தாறு இடங்களில்தான் பெரிதாக எரியும். இம்முறை அது நூற்றுக்கணக்காக மாறிவிட்டதால்தான் சமாளிப்பது கடினமாகிவிட்டது. தவிர காலங்காலமாக காட்டுத்தீ பரவும் இடங்களில் மாத்திரம் என்றில்லாமல் ஏனைய எதிர்பாராத இடங்களிலும் தீ கொழுந்துவிட்டு எரிகிறது. இதுவும் புதிது.


4. அவுஸ்திரேலிய வரலாற்றிலேயே இதுதான் மிகக்கொடூரமான காட்டுத்தீயா?

எது கொடூரம் என்ற வரைவிலக்கணக்கத்தில் அது தங்கியிருக்கிறது. தீ எரிந்த பரப்பளவைப்பொறுத்தவரையில் இம்முறை அதிகமான இடங்கள் எரிந்திருப்பதாகவே தோன்றுகிறது. அத்தோடு இப்போதுதான் சீக்கிரமாக ஜனவரியிலேயே இத்தகை அனர்த்தம் நிகழ்ந்திருக்கிறது. ஆனால் உயிரிழப்புகள், உடைமைச்சேதம் என்றளவில் இதைவிட மோசமான காட்டுத்தீ எல்லாம் பரவியிருக்கிறது. எனக்குத்தெரிந்தே 2009ல் நானிருக்கும் விக்டோரியா மாநிலத்தில் குடியிருப்புப்பகுதிகளை அண்டிய காடுகளில் தீ எரிந்து 175 பேர் இறந்துபோனார்கள். ஆனால் இம்முறையைவிட குறைந்த அளவு காடே அப்போது எரிந்தது. 

அப்போதைய உயிர்ச்சேதங்களுக்குக் காரணம், 

a. அப்போது தீ குடியிருப்புகளை அண்டியதாக அமைந்தது. 
b. பத்துவருடங்களுக்கு முன்னரான தீ பற்றிய விழிப்புணர்வும் தயார்படுத்தல்களும் இப்போதுபோல இருக்கவில்லை. எச்சரிக்கைகளை சரியான சமயத்தில் எல்லோருக்கும் கொண்டுபோய்ச்சேர்க்கும் வல்லமையும் அப்போதிருக்கவில்லை.  
c. இப்போது அந்த மோசமான அனுபவத்திலிருந்து பாடம் கற்றுக்கொண்டுவிட்டார்கள். இப்போது மக்களிடம் செய்தி பல வழிகளில் கடத்தப்படுகிறது. இயலாக்கட்டத்தில் வீடு வீடாக பொலிசார் சென்று மக்களை எச்சரிப்பதும் உண்டு.

குறிப்பிட்டுச்சொல்லவேண்டிய இன்னொரு விடயம், 2009 தீ ஏற்பட்ட காலம் பெப்ரவரி மாதம்.

5. அவுஸ்திரேலிய  ஆதிக்குடிகள் காட்டுத்தீயை தற்போதுள்ள முறைமைகளைவிட சிறப்பாக கையாண்டார்கள் என்று சில தகவல்கள் சொல்கின்றனவே?



Back Burning என்று அதனைச் சொல்வார்கள். ஆதிக்குடிகள் மட்டுப்படுத்தப்பட்ட அளவில் திட்டமிட்டு தீயை வளர்த்து காட்டுத்தீயின் திசையையும் வளர்ச்சியையும் கட்டுப்படுத்துவார்கள். காட்டை வலயம் வலயமாக வகுத்து பிராணிகளையும் தம் கூட்டத்தையும் காட்டுத்தீயிலிருந்து காப்பாற்றி இடம்பெயரச்செய்வார்கள். இந்த முறையை தற்போதும் தீயணைப்புப்படை தேவையான அளவுக்குக் கையாளுகிறது.  ஆனால் ஆதிக்குடிகள் காட்டுத்தீயை தற்போதைய முறையைவிடச் சிறப்பாகக் கட்டுப்படுத்தினார்களா என்கின்ற வாதம் தேவையற்றது. அக்காலத்தில் சனத்தொகையும் குறைவு. கட்டமைப்புகளும் குறைவு. வாழ்வுமுறையும் வேறு. இருவேறு யுகங்களை ஒப்பிடுதல் என்பது அபத்தம்.

6. இப்போது மாத்திரம் ஏன் காடு முன்னதிலும் மூர்க்கமாக பல இடங்களில் எரிகிறது?

முக்கிய காரணம் புவி வெப்பமாதல்தான். ஒவ்வொரு வருடமும் புவி வெப்பமடைதல் அதிகரித்து வருகிறது. குறிப்பாக கடந்த ஐம்பது ஆண்டுகளில் புவி வெப்பமாதலும் காலநிலை மாற்றமும் விரைவுபடுத்தப்படுகிறது. இதனை ஆய்வுகள் மூலம் திரும்பத்திரும்ப விஞ்ஞானரீதியாக நிரூபித்தாயிற்று. விஞ்ஞானிகளும் படித்துப் படித்துச் சொல்லிவிட்டார்கள். பூமியில் மனிதச்செயற்பாடு காரணமாக வளியின் கார்பனீர் ஒக்சைட் அளவு அதிகப்படுத்தப்படுகிறது. கார்பனுக்கு வெப்பத்தை உள்வாங்கும் திறன் உண்டு. அதனால் சூரிய வெப்பத்தை அது உறிஞ்சி பூமியின் நில, நீர் மண்டலங்களுக்கு அது கடத்துகிறது. இதனால் பூமி முன்னிலும் அதிகமாக வெப்பமாகிறது. பூமிக்கும் புதைந்துகிடக்கும் கார்பனை (Coal, Oil) அகழ்ந்து எரித்து வளிமண்டலத்துக்குப் பரப்பும் மனிதச்செயற்பாடுகள்தாம் பூமி வெப்பமடைதலுக்கு முக்கிய காரணம். இன்னொன்று காபனீர் ஒக்சைட்டை உள்வாங்கும் காடுகள் தொடர்ச்சியாக அழிக்கப்பட்டு வருவது. 

7. அவுஸ்திரேலியா அரசாங்கம் இதற்காக எந்த நடவடிக்கையும் எடுக்கவில்லையா?

ஒரு காலத்தில் எடுத்தார்கள். கார்பன் வெளியேற்றத்தின் அளவுக்கு வரிகூட விதித்தார்கள். ஆனால் இங்கே நிலக்கரி வியாபாரிகளின் செல்வாக்கு மிக அதிகம். அவர்கள் ஆட்சியையும் மக்கள் சிந்தனையையும் ஊடகங்களையும் தங்கள் கட்டுக்குள் வைத்திருக்கும் வல்லமை படைத்தவர்கள். ஒவ்வொரு தடவையும் ஒரு அரசு இதற்கான நடவடிக்கைகளை எடுக்கும்போது திடீரென அந்த அரசு காணாமற்போய்விடும். அதனால் இப்போதைய அரசாங்கம் பூமி வெப்பமாதலுக்கு எதிராக எந்த நடவடிக்கைகளையும் புதிதாக முன்னெடுப்பதில்லை. தவிர புதிய நிலக்கரி அகழ்வுகளுக்கும் அனுமதி வழங்கியபடியிருக்கிறது. தற்போதைய பிரதமர் ஒரு நிலக்கரிக் கல்லை பாராளுமன்றத்துக்கே கொண்டுவந்து காட்டிப் பெருமிதமடைந்தவர்.

8. சரி புவி வெப்பமடைதலுக்காக நடவடிக்கை ஏதும் எடுக்கவில்லை. காட்டுத்தீயைக் கட்டுப்படுத்தவாவது முன்நடவடிக்கை எடுத்திருக்கலாமல்லவா?

சென்ற மார்ச் மாதமே தீயணைப்புப் படையினரும் விஞ்ஞானிகளும் இதுபற்றி அரசாங்கத்தை எச்சரிக்க ஆரம்பித்துவிட்டார்கள். எல்லோரும் கூடி திட்டமிடலாம் என்று திரும்பத்திரும்ப அரசாங்கத்துக்குக் கடிதம் எழுதினார்கள். விஞ்ஞானிகள் இம்முறை காட்டுத்தீ முன்னெப்போதுமில்லாதவாறு மோசமாக இருக்குமென தெளிவாக அரசாங்கத்துக்குக் எதிர்வு கூறியிருந்தார்கள். அரசாங்கம் அதுபற்றி பெரிதாக அலட்டிக்கொள்ளவில்லை. தவிர நடவடிக்கை எடுத்தால் பின்னர் புவி வெப்பமடைதலையும் விஞ்ஞானிகளின் கூற்றையும் அரசாங்கமே ஒப்புக்கொண்டதாகிவிடும் என்று அது அமைதியாக இருந்துவிட்டது. செப்டம்பரில் தீ எரிய ஆரம்பித்தபின்னரும்கூட அரசாங்கம் அமைதியாக இருந்தது. டிசெம்பரில் பல இடங்களில் தீ கொழுந்துவிட்டு எரியும்போது நாட்டின் பிரதமர் ஹவாய் தீவில் குடும்பத்தோடு விடுமுறையில் இருந்தார். இதுதான் நிலைமை.

9. தீ கொழுந்துவிட்டு மக்கள் துன்பப்பட்டுக்கொண்டிருக்கையில் அவர்களுக்கான பிரச்சனைகளைப்பார்க்காமல் அரசாங்கத்தைக் குற்றச்சாட்டுவது சரியா?

மக்களுக்கான உடனடித்தீர்வுகளை மாநில, மத்திய அரசாங்கங்கள் செய்கின்றன. மக்களும் அமைப்புகளும் தங்களால் இயன்ற அளவு நன்றாக செய்கிறார்கள். அது வேறு. ஆனால் அதற்காக பிரச்சனை கொழுந்துவிட்டு எரியும்போது பிரச்சனையின் மூலத்தைப்பற்றிப் பேசாமல் பின்னர் எப்போது பேசுவதாம்? இப்படித்தான் அமெரிக்காவில் துப்பாக்கிச்சூடு இடம்பெறும்போதெல்லாம் இறந்தவர்களுக்கு அஞ்சலி செய்யும்போது ஆயுதக்கட்டுப்பாட்டுச் சட்டம் பற்றிப் பேசவேண்டாம் என்று லொபியிஸ்டுகள் சொல்லுவதுண்டு. ஆனால் பிரச்சனை ஆறியபிறகு எல்லோரும் தத்தமது சோலியைப் பார்க்கப்போயிடுவார்கள். இப்போது பேசவேண்டாம் என்பவர்கள் எவரும் எப்போதுமே இப்பிரச்சனையைப் பேசுவதில்லை என்பதுதான் உண்மை.

10. இது இயற்கை அனர்த்தம். ஆகவே மழை வேண்டிப் பிரார்த்தித்தால் கடவுள் மழையைக் கொடுப்பார் அல்லவா?

மயிரைத்தான் கொடுப்பார். ஒவ்வொரு தடவையும் ஒரு அனர்த்தம் நிகழும்போது உடனே பிரார்த்திக்கிறீர்கள். ஆனால் உங்கள் அதே கடவுள்தானே தீயையும் மோசமாக எரியப்பண்ணி இத்தனை சேதத்தைக் கொண்டுவருவது. இது கிட்டத்தட்ட கத்தியால வயித்தில செருகினவனிட்டயே போய் கட்டுப்போட்டுவிடு என்று கெஞ்சுவதுபோல. இல்லை நாப்பதினாயிரம் சனத்தைக் கொண்டவனிட்டபோய் ‘எங்களுக்கு நீயே ஒரு தீர்வு தா’ என்று கேட்பதுபோல. கடவுள் இல்லை. எங்களுக்கு மேலே ஒரு சக்தி இருந்து தொலைத்தாலும் அதைப் பிரார்த்தித்து ஒரு கொட்டையும் வரப்போறதில்லை என்று பல தடவை சொல்லியாயிற்று. வேற என்னத்தைச் சொல்ல. ப்ரே போர் ஒஸ்ரேலியா. 

11. இப்ப காட்டுத்தீ அடங்குமா? நிலைமை கட்டுக்குள்ள வருமா?

தொடர்ச்சியான விமர்சனங்கள். கேள்விகள். அழிவுகள். இப்போது அரசாங்கம் கொஞ்சம் சுதாரித்திருக்கிறது. தவிர கொஞ்சம் வானிலையும் குளிர்ந்து சில இடங்களில் மழை பெய்ய ஆரம்பித்திருக்கிறது. வெளிநாடுகள் பல உதவிக்கு வந்திருக்கின்றன. ஆகவே இப்போதைக்கு தீ கட்டுக்குள் கொண்டுவரப்படும் என்றே நினைக்கிறேன். ஆனால் பெப்ரவரி முடிவடையும்வரை அபாயம் எப்போதும் உண்டு. அதைவிட அழிவடைந்த இடங்களை மீளக்கட்டியமைப்பது என்பது மிகப்பெரும் செயல். மில்லியன் கணக்கில் காட்டு, கால்நடை மிருகங்கள் அழிந்துபோய்விட்டன. அவற்றின் உடல்கள் அழுகமுதல் அவற்றை எரித்தோ புதைத்தோ அகற்றவேண்டும். புனருத்தானம் செய்யவேண்டும். இவற்றிலிருந்து மீண்டுவர ஆண்டுக்கணக்கு ஆகும். 

12. இனியாவது புவி வெப்பமடைதலுக்கு எதிராக அவுஸ்திரேலியா மற்றும் ஏனைய நாடுகள் நடவடிக்கை எடுக்குமா?

எடுக்கவேண்டும். “How many deaths will it take till he knows, that too many people have died?” என்று பொப் டிலான் எழுதியதுபோல, இன்னும் எத்தனை அனர்த்தங்கள் வந்தபிறகுதான் இவர்கள் முழித்துக்கொள்ளப்போகிறார்களோ தெரியவில்லை. ஆனால் காலம் தாமதிக்க புவி வெப்பமாதலைக் கட்டுப்படுத்துதல் என்பது மேலும் மேலும் கடினமான ஒன்றாகவே மாறப்போகிறது. இந்த நிலைமையைப் பயன்படுத்தி, லொபியிஸ்டுகளின் வாயை மூடி, அரசாங்கம் பல முன்முயற்சிகளைச் செய்யலாம். நியூசிலாந்து அண்மைய துப்பாக்கிச்சூட்டுச் சம்பவத்தைப் பயன்படுத்தி ஓட்டொமெடிக் ஆயுதங்களைத் தடைசெய்ததுபோல. ஆனால் வழமைபோல இரண்டுமாதம் சமாளித்தால் கோடை கடந்துவிடும் என்று அரசாங்கம் எண்ணவே சாத்தியங்கள் உண்டு. அல்லது இன்னொரு பெரிய பிரச்சனை இதனை மூடி மறைத்துவிடும். 

13. அப்படியானால் அவுஸ்திரேலியா அவ்வளவுதானா? உலகின் மோசமான நாடுகளில் அதுவும் ஒன்றாகிவிடுமா?

இங்குள்ள பிரச்சனையை உரத்துப்பேசி தீர்வுக்காக முயலுவதால் இதுபற்றி உலகம் முழுதும் பேசப்படுகிறது. அதனால் அப்படியொரு தோற்றப்பாடு வருகிறது. ஆனால் இப்பெரு அனர்த்தம் நிகழ்ந்தபோதும் ஐந்து மாதங்களில் முப்பதுக்கும் குறைவான மக்களே இறந்திருக்கிறார்கள் என்பது இங்குள்ள அனர்த்த முகாமைத்துவத்தின் வினைத்திறனையே காட்டுகிறது. வன்முறை அச்சமேதுமின்றி ஒரு நாட்டின் பிரதமரை முகத்துக்கு நேரேயே ‘You are an idiot’ என்று சொல்வதும் அதற்குப் பிரதமர் தலை குனிந்தபடி செல்வதும், பிரதமரை ஒரு தீயணைப்பு அதிகாரி நேரடியாகவே குற்றம் சாட்டுவதும், அரசு மானியத்தில் இயங்கும் ஊடகத்தில் அரசாங்கம் கழுவி ஊற்றப்படுவதும் இங்கு சர்வசாதாரணமாக நிகழுகின்ற விடயங்கள். இது முயற்சி செய்தால் தடுக்கக்கூடிய ஒரு இயற்கை அனர்த்தம். அதற்காத்தான்  இந்தக் கூச்சல்கள். மற்றபடி  அவுஸ்திரேலியா இப்போதும் வசிப்பதற்கும் வந்து பார்ப்பதற்கும் ஒப்பீட்டளவில் ஒரு நல்ல நாடுதான். ஆனால் இப்படியே நிலைமை போகுமானால் அது ஒரு மோசமான நாடாக மாறும் நாள் வெகு தொலைவில் இல்லை.

Saturday, 21 December 2019

குடியுரிமை சட்டம் என்றால் என்ன?

தேசிய குடிமக்கள் பதிவேடு மற்றம் குடியுரிமை திருத்த சட்டத்தின்படி, ஒருவர் இந்திய குடிமகனாக எவ்வாறு அங்கீகரிக்கப்படுவார்?





குடியுரிமை திருத்த சட்டத்தின்படி,

ருவர் முதலில் தான் எந்த மதத்தை சேர்ந்தவர் என்பதை நிரூபிக்க வேண்டும். அவர், ஹிந்து, கிறிஸ்துவம், சீக்கியம், புத்தம், சமணம் அல்லது பார்சி மதத்தை சேர்ந்தவர் என்றால் அவர் இந்திய குடியுரிமை பெறுவதற்கான முதல் தகுதியை பெறுகிறார். ஆனால், அவர் இஸ்லாமியராக இருந்தால், குடியுரிமை பெறுவதற்கான தகுதியை இழக்கிறார்.


டுத்ததாக அவர் எந்த நாட்டிலிருந்து இந்தியாவுக்கு குடிபெயர்ந்தார் என்பதை உறுதிபடுத்த வேண்டும். அவர், பாகிஸ்தான், ஆப்கானிஸ்தான், பங்களாதேஷ் ஆகிய நாடுகளில் ஒன்றிலிருந்து இந்தியாவுக்கு குடியேறியிருந்தார், அவர் இந்திய குடியுரிமை பெறுவதற்கான இரண்டாவது தகுதியை பெறுகிறார். ஒருவேளை அவர் வேறு நாடுகளிலிருந்து குடிபெயர்ந்ததிருந்தால் குடியுரிமை பெறுவதற்கான தகுதியை இழக்கிறார்.

டுத்ததாக அவர் எந்த தேதியில் இந்தியாவுக்கு குடிபெயர்ந்தார் என்பதை உறுதிபடுத்த வேண்டும். அவர் 2014ஆம் ஆண்டு டிசம்பர் 31ஆம் தேதிக்கு முன்னர் இந்தியாவுக்குள் குடிபெயர்ந்திருந்தால் அவர் இந்திய குடியுரிமை பெறுவதற்கான முழு தகுதியையும் பெறுகிறார். அந்த குறிப்பிட்ட தேதிக்கு பின்னர் இந்தியாவுக்கு குடிபெயர்ந்திருந்தால் அவருக்கு இந்திய குடியுரிமை வழங்கப்பட மாட்டாது.

தேசிய குடிமக்கள் பதிவேடு என்பது, குடியுரிமை சட்ட திருத்தத்தின் ஷரத்துகளின்படி, ஒவ்வொரு இந்தியரும், தான் இந்தியர்தான் என்பதை நிரூபிக்க வேண்டும். குடியுரிமையை நிரூபிக்கும் ஆவணத்தை சமர்ப்பிக்கும் பட்சத்தில் அவர் இந்திய குடிமகன் என்பது ஏற்றுக்கொள்ளப்படும். ஆவணங்களை சமர்ப்பிக்க தவறினால், குடியுரிமை பறிக்கப்படும். குடியுரிமை பறிக்கப்பட்டவர்கள் அனைவரும், அகதிகள் முகாம்களில் தங்கவைக்கப்படலாம். அவர்களில் பலர் சொந்த நாட்டிற்கு நாடுகடத்தப்படலாம்.



சில விளக்கங்கள்

கேள்வி: குடியுரிமை திருத்த மசோதா 2019 என்ன சொல்கிறது?
பதில்: 2014ம் ஆண்டுக்கு முன்பு இந்தியாவிற்கு பாகிஸ்தான், வங்கதேசம், ஆப்கானிஸ்தான் ஆகிய நாடுகளிலிருந்து வந்த இந்துக்கள்/ பவுத்தர்கள்/ சமணர்கள்/சீக்கியர்கள்/கிறித்துவர்கள்/பார்சிகள் ஆகியோர் இந்திய குடிமக்கள் எனும் உரிமையை பெறுவதற்கு இந்த சட்டம் வழிவகை செய்கிறது.

  • எதிர்க்கட்சிகள் ஏன் இதனை கடுமையாக எதிர்க்கின்றன?

இரண்டு முக்கிய காரணங்களுக்காக எதிர்கட்சிகள் இதனை எதிர்க்கின்றன.
1. ஏன் முஸ்லீம்களுக்கு இந்த உரிமை மறுக்கப்படுகிறது?
2. ஏன் இலங்கை, மியான்மர் போன்ற நாடுகள் சேர்க்கப்படவில்லை?
3. மத அடிப்படையில் குடியுரிமை வழங்குவது என்பது, அரசியல்அமைப்புச் சட்டத்திற்கு எதிரானது.
     இந்த மூன்று பிரச்சனைகளை எதிர்க்கட்சிகள் முன்வைக்கின்றன.

  • மார்க்சிஸ்ட் கட்சியின் நிலைபாடு என்ன?

2016ம் ஆண்டு கடும் எதிர்ப்பு காரணமாக இந்த பிரச்சனை தேர்வு குழுவுக்கு அனுப்பப்பட்டது. அப்பொழுது மார்க்சிஸ்ட் கட்சியின் மக்களவை குழுத் தலைவர் முகமது சலீம் அவர்கள் இந்த குழுவில் உறுப்பினராக இருந்தார். எதிர் கட்சி உறுப்பினர்களின் எதிர்ப்பை மீறி இந்த குழு முடிவு எடுத்தது. அப்பொழுது முகமது சலீம் அவர்கள் மிக விரிவான எதிர்ப்பு அறிக்கையை சமர்ப்பித்தார். அதே போல பல எதிர்க்கட்சி உறுப்பினர்களும் எதிர்ப்பு தெரிவித்தனர். இப்பொழுது மார்க்சிஸ்ட் கட்சி சார்பாக இரண்டு திருத்தங்கள் முன் மொழியப்பட்டுள்ளன. குறிப்பிட்ட மதம் அல்லது தேசங்கள் என்பதை நீக்குமாறு இந்த திருத்தங்கள் கோருகின்றன. மதம் குறித்த பெயர்களை நீக்குவதன் மூலம் முஸ்லீம்களுக்கு எதிரான பாரபட்சம் நீக்கப்படும். தேசங்கள் குறித்த பெயர்கள் நீக்குவதன் மூலம் இலங்கை தமிழர்களுக்கு குடியுரிமை வாய்ப்பு கிடைக்கும் என மார்க்சிஸ்ட் கட்சி கூறுகிறது.

  • இந்த சட்டம் அரசியல் அமைப்புச் சட்டத்திற்கு எதிரானதா?

நிச்சயமாக. அரசியல் அமைப்பு சட்டம் குறிப்பாக 14வது பிரிவு அனைத்து இந்தியர்களும் மதம்/இனம்/மொழி/சாதி/பாலினம் என எவ்வித வேறுபாடுமின்றி சமம் என அழுத்தமாக கூறுகிறது. இந்த சட்டம் அதற்கு முரண்படும் வகையில் உள்ளது.

  • பாகிஸ்தான்/வங்கதேசம்/ஆப்கானிஸ்தானில் இந்துக்கள்     துன்புறுத்தப்படுகின்றனரா?

இல்லை என சொல்ல முடியாது. பெரும்பான்மை வாதம் என்பது அனைத்து தேசங்களிலும் ஒரு புற்று நோய் போல பரவிவருகிறது.  இந்தியாவில் அது சங் பரிவாரத்தின் பெரும்பான்மை மதவாதம் எனில் பாகிஸ்தான் போன்ற நாடுகளில் இஸ்லாமிய மதவாதம் உள்ளது. இலங்கை மற்றும் மியான்மரில் பவுத்த பெரும்பான்மை வாதம் பேயாட்டம் போடுகிறது.

  • வடகிழக்கு மாநிலங்களில் ஏன் இந்த சட்டத்திற்கு கடும் எதிர்ப்பு     எழுந்துள்ளது?

அசாம்/திரிபுரா/மணிப்பூர் போன்ற பல மாநிலங்களில் பெரிய போராட்டங்கள் நடக்கின்றன. அசாம் முதல்வர் இல்லத்தை பெரிய பேரணி ஒன்று முற்றுகையிட்டது. மக்களிடமிருந்து தப்பிக்க முதல்வர் ஹெலிகாப்டர் மூலம் வெளியேற வேண்டிய அவசியம் உருவானது. இந்த சட்டத்திலிருந்து அசாமுக்கு விலக்கு அளிக்கும் வரை அவர் தான் படித்த பல்கலைக்கழகத்தில் நுழைவதற்கு போராட்டகாரர்கள் தடை போட்டுள்ளனர்.

  • ஏன் இவ்வளவு கோபம்?

அசாம் போராட்டம் நடந்த பொழுது 1984ம் ஆண்டு ஒரு ஒப்பந்தம் உருவானது. அதன் அடிப்படையில் 1971ம் ஆண்டுக்கு பிறகு அசாமில் குடியேறிய அனைவரும் (இந்துக்கள் மற்றும் முஸ்லீம்கள் உட்பட) அடையாளம் காணப்பட்டு வெளியேற்ற வேண்டும் என்பது முக்கியமான முடிவு. இப்பொழுது முஸ்லீம்கள் வெளியேற்றப்படுவார்கள். ஆனால் இந்துக்கள் தொடர்வர். இதனை அசாம் மக்களில் ஒரு பிரிவினர் ஏற்க மறுக்கின்றனர். எனவே இந்த போராட்டம்.

  • அசாமில்தானே தேசிய குடி மக்கள் பதிவேடு அறிமுகப்படுத்தப்பட்டது?

ஆம். இந்த பதிவேடு பணிகள் முடிந்த பிறகு சுமார் 44 லட்சம் பேர் இந்தியக் குடி மக்கள் இல்லை எனக் கூறப்பட்டது. இது கடும் அதிருப்தியையும் கோபத்தையும் உருவாக்கியது. பின்னர் சில திருத்தங்கள் செய்யப்பட்டன. அதன் பின்னரும் 19 லட்சம் பேர் குடி மக்கள் இல்லை என நிலைநாட்டப்பட்டுள்ளது. ஒரு சாகித்ய அகடாமி விருதுபெற்ற எழுத்தாளரும் இந்திய இராணுவத்தில் உயர் அதிகாரியாக பணியாற்றி விருதுகள் பெற்றவரும் கூட குடிமக்கள் உரிமை மறுக்கப்பட்டனர். 19 இலட்சம் பேரில் மிக கணிசமானவர்கள் முஸ்லீம் அல்லாதவர்கள் ஆவர். இவர்களை வங்கதேசம் ஏற்றுக்கொள்ள வேண்டும் என இந்திய அரசாங்கம் கூறியது. ஆனால் வங்கதேசம் அரசாங்கம் மறுத்துவிட்டது. எனவே இவர்களை தனிமைப்படுத்த பல இடங்களில் சிறைகள் உருவாக்க வேண்டும் என மத்திய அரசாங்கம் மாநில அரசாங்கத்திற்கு கடிதம் எழுதியுள்ளது.

  • அப்படி செய்தால் ஹிட்லர் செய்த்து போல ஆகிவிடுமே?

ஆம்! ஹிட்லர் யூதர்களையும் கிறித்துவர்களையும் கம்யூனிஸ்டுகளையும் சிறைகளில் அடைத்தது போல இதுவும் உருவாகும் ஆபத்து உள்ளது.

  • தேசிய குடி மக்கள் பதிவேடு அசாமுக்கு மட்டுமா?

இல்லை. இந்தியா முழுமைக்கும் விரிவுபடுத்த மோடி அரசாங்கம் முனைகிறது.

  • ஆனால் அசாமில் முஸ்லீம் அல்லாதவர்களும் குடியுரிமை இழந்துள்ளனரே!
     
அதனை சரிக் கட்டவே குடியுரிமை திருத்த சட்டம் கொண்டு வரப்படுகிறது. இந்த சட்டம் அமலானால் முஸ்லீம்கள் தவிர ஏனையோர் குடியுரிமை பெறுவர். முஸ்லீம்கள் மட்டும் சிறைகளுக்கு அனுப்பப்படுவர்.

  • இது பாசிச அணுகுமுறை அல்லவா?

ஆம்! அதில் எந்த ஐயமும் இல்லை.
 
  • சங் பரிவாரம் கிறித்துவர்களுக்கும் எதிரானதுதானே! அப்படியெனில் கிறித்துவர்களுக்கு குடியுரிமை எப்படி தர முன்வருகிறார்கள்?

ஆம். சங் பரிவாரம் கிறித்துவர்களுக்கும் எதிரானதுதான். எனினும் முஸ்லீம்களை தனிமைப்படுத்த கிறித்துவர்களை அரவணைக்க முயற்சி செய்யலாம். தயாநிதி மாறன் நாடாளுமன்றத்தில் கூறியது போல கிறித்துவ நாடுகளான மேலை நாடுகளைப் பார்த்து பயமும் உருவாகியிருக்கலாம். அமெரிக்கா மற்றும் ஐரோப்பிய நாடுகளின் தயவு மோடி அரசாங்கத்திற்கு மிகவும் தேவை என்பது அறிந்த ஒன்றுதானே!

  • ஏன் இலங்கை அகதிகள் புறக்கணிக்கப்படுகின்றனர்?

பவுத்த- சிங்கள பெரும்பான்மை வெறியர்களால் இலங்கைத் தமிழர்கள் பாதிக்கப்படுகின்றனர். ஆனால் மோடி அரசாங்கம் இலங்கை அரசாங்கத்தை பகைத்துக் கொள்ள தயராக இல்லை. மேலும் தமிழர்கள்/ தமிழ்நாடு எனில் கோபம் அவர்களுக்கு இருப்பது தொடர்கிறது.

  • அ.இ.அ.தி.மு.க. நிலைபாடு என்ன?
     
இந்த சட்டத்தை ஆதரித்து மக்களவையில் கைதூக்கிவிட்டனர். தமிழர்கள் பாதிக்கப்படும் பொழுது கூட தமது எதிர்ப்பை தெரிவிக்க பயம் கொள்கின்றனர் எனில் அ.இ.அ.தி.மு.க. பாஜகவின் கைப்பாவையாக உள்ளது என்பது பளிச்செனத் தெரிகிறது.

  •  பாகிஸ்தான் அல்லது பாகிஸ்தான் ஆக்கிரமிப்பு காஷ்மீரிலிருந்து அல்லது ஏனைய முஸ்லீம் நாடுகளிலிருந்து முஸ்லீம்கள் வந்தால் நிராகரிப்பீர்களா எனும் கேள்வி ஏன் நாடாளுமன்றத்தில் முன்வைக்கப்பட்டது?

ஏனெனில் பாகிஸ்தானில் ஷியா/அகமதி/சுஃபி போன்ற முஸ்லீம் பிரிவினரும் தாக்குதல்களுக்கு உள்ளாகின்றனர். மாற்றுக் கருத்து கொண்ட சன்னி பிரிவு முஸ்லீம்களும் கூட தப்புவது இல்லை. அவர்களை ஏற்றுக் கொள்ள முடியாது என்கிறது மோடி அரசாங்கம்.

  • இந்த சட்டத்தை உச்சநீதிமன்றம் அங்கீகரிக்குமா?
     

பலர் வழக்குகள் தொடரும் வாய்ப்பு உள்ளது. நியாயமாக மற்றும் சட்டப்படி ஆய்வு செய்தால் இதனை உச்சநீதிமன்றம் நிராகரிக்க வேண்டும்..

Monday, 25 November 2019

யார் இந்த பிரபாகரன்…?

தமிழன் யார் என்பதை அகிலமே திரும்பிப் பார்க்க வைத்தவர் ஒரு நாட்டின் வரலாற்றை மாத்தரமல்ல உலகின் பெரும் பகுதி  வரலாற்றையே தலைகீழாக புரட்டிப் போட்ட ஈழப் போராட்டத்தின் நாயகன் பெயர் வேலுப்பிள்ளை பிரபாகரன் உலகத் தமிழினத்தின் எண்ணம், சொல், செயல், மாற்றமடையக் காரணமானவர் பிரபாகரன்.




தமிழர்களுக்கு தமிழுணர்வை ஊட்டியவர். சோம்பிக் கிடந்த இனத்தைத் தட்டியெழுப்பினவர் என்பதோடு நிறுத்த முடியாது. பூமிப் பரப்பெல்லாம் தமிழின் விதை விதைக்கக் காரணமானவர் அவர்தான.; சென்ற இடத்தில் மறைந்து வாழ்ந்த தமிழர்களை நான் தமிழன் என்று துணிந்து சொல்ல வைத்தவர் பிரபாகரன் தான் .

இனித் தமிழர் வரலாறு தூக்க நிலைக்குத் திரும்ப வாய்ப்பில்லை அவர் அடியெடுத்த போராட்ட மரபு தொடரும். கூலிகள் என்றும் வந்தேறு குடிகள் என்றும் நாதியற்றவர்கள் என்றும் தூற்றப்பட்ட உலகத் தமிழர்களை வலிமை பெற்று உரிமை கோர வைத்தவர் தலைவர் பிரபாகரன்.

இணையத்தில் தமிழ் உலகின் முக்கிய மொழிகளில் ஒன்றாகத் திகழக் காரணமானவர் தமிழியலுக்கும் தமிழ் வளர்ச்சிக்கும் ஊக்கு கருவியாகத் திகழ்பவர் தமிழ் இலக்கியம், தமிழ்ப் பண்பாடு, தமிழன் தோற்றம், வளர்ச்சி பற்றிய ஆய்வுக்குத் தோன்றாத் துணையாக நிற்பவர்
பலரை வரலாறு படைக்கின்றது ஒரு சிலர் வரலாற்றைப் படைக்கிறார்கள் அந்தச் சிலரில் ஒருவர் பிரபாகரன். மிக விரைவில் பிரபாகரன் யுகம் தோன்றும் அப்போது உலகம் நினைத்துப் பார்க்காத உயரத்திற்க்குத் தமிழினத்தைப் பிரபாகரன் தூக்கிச் சென்று நிறுத்தியதைத் தமிழினம் உணரும்.

அன்று தொட்டு இன்று வரை தமிழரின் போரட்டம் அற வழியைத் தழுவி நிற்கின்றது அகிம்சை வழியிலும் சரி, ஆயுத வழியிலும் சரி தமிழர் வரித்துக் கொண்ட போராட்டம் தர்மத்தின் நியமத்தில் நெறிப்பட்டு நிற்கின்றது அவர் நடத்திய ஈழவிடுதலைப் போர் தார்மீக அடிப்படையிலானது. அது தமிழர்களின் ஆன்மபலமாகவம் இருந்து வருகிறது.


சிங்களவர்கள் உண்மையான புத்த மதத்தினராக இருந்தால் தமிழீழ விடுதலைப் போருக்கான அவசியம் இராது சமாதானப் பேச்சென்றாலும் சரி, போர் என்றாலும் சரி, சிங்களவர்கள் நேர்மை, நிதானம், காருண்யம் அற்றவர்களாக வெளிப்படுகிறார்கள் சிங்களப் பயங்கரவாதம் ஈழத் தமிழர்களின் தேசிய ஆன்மாவில் விழுத்திய வடுக்கள் என்றுமே மாறப்போவதில்லை.

“ விடுதலைப் போராட்டம் என்பது இரத்தம் சிந்தும் புரட்சிகர அரசியல் பாதை’ என்று பிரபாகரன் மிகச் சுருக்கமாகக் கூறியிருக்கிறார். அவர் தொடர்ந்து பேசுகிறார் விடுதலை என்ற இலட்சியத்தை நாம் இலகுவாகத் தேர்ந்தெடுக்கவில்லை. வரலாறுதான் அதை எம்மிடம் வலுக்கட்டாயமாகக் கையளித்துள்ளது சுதந்திரம் வேண்டுவதைத் தவிர வேறு வழி எதையும் வரலாறு எமக்கு விட்டு வைக்கவில்லை .



தமிழர்களை ஏமாற்றுவதும் அடிமை கொள்ளும் நோக்குடன் இன அழிப்புச் செய்வதும் சிங்கள தேசத்தின் பாரம்பரிய நடைமுறை. தற்காக புத்த மதத்தைத் துணைக்கு அழைக்க அவர்கள் தயங்கியதில்லை சிங்கள மக்களின் பாலி மொழி இதிகாசமான மகாவம்சத்தின் நாயகனான துட்ட காமினி போர் மரபை மீறீத் தமிழ் மன்னன் எல்லாளனை வஞ்சகமாகக் கொன்றான் பல்லாயிரம் தமிழர்களையும் அதே போரில் அவன் கொன்றான்.

இரத்த வெறி அடங்கியபிறகு அவன் சோர்வடைந்து மாளிகை உப்பரிகையில் படுத்திருந்தான் உயிர்ப்பலி அவனை துயரடையச் செய்ததாக மாகவம்சம் கூறுகிறது அவனுக்கு ஆறதல் மொழி கூறுவதற்காக எட்டு புத்த பிக்குகள் வான் மூலம் பறந்து அவனிடம் வந்து சேர்ந்தனர்.
புத்த மதத்தைச் செராதவர்களைக் கொல்வதில் பாவமில்லை என்ற ஞான உபதேசத்தை பிக்குகள் மன்னனுக்கு வழங்கி அவனுக்குப் புத்துணர்ச்சி ஊட்டியதாக மகாவம்சம் கூறுகிறது அண்மையில் புத்த பிக்கு ஒருவர் வெளியிட்ட ஆங்கில ஆய்வு நூலில் சிங்கள தேசியத்தின் அதியுச்சம் துட்டகாமினியின் தமிழ்ப் படுகொலைகளின் போது எட்டப்பட்டதாகத் தெரிவிக்கப்படுகிறது.

சிங்கள பௌத்தம் என்ற புதிய மதத்தைச் சிங்களப் பேரினவாதிகள் உருவாக்கியுள்ளனர் திவ்வியஞான சபையைச் சேர்ந்த (Theosophical society ) காலஞ்சென்ற  கிருஷ்ணமூர்த்தி கொழும்பு வந்த போது இதைக் கடுமையாகச் சாடியுள்ளார் .

சிறிலங்கா தனது அரசியல் சாசனத்தின் மூலம் புத்த மதத்திற்கு மேலிடம் வழங்கியுள்ளது புத்த மதத்தைத் பாதுகாத்தல் அரசின் பொறுப்பு என்று அரசியல் சாசனம் இடித்துரைக்கிறது. சிறிலங்கா மதச் சார்புள்ள நாடு. படிப்படியாகப் பிற மதங்களின் சுதந்திரம் பறிக்கப்படுகிறது
தமிழ் நாட்டிலும் தமிழீழத்திலும் தமிழர் மத்தியில் புத்த மதம் முன்னர் செழித்தோங்கி இருந்தது 7ம் நூற்றாண்டில் தொடங்கிய சிவ மதத்தின் மறுமலர்ச்சிக்குப் பிறகு இரு பகுதிகளிலும் புத்த மதம் மங்கிவிட்டது ஆனால் வரலாற்றுச் சின்னங்கள் கிடைக்கின்றன.


ஈழத் தமிழர் வாழும் பகுதிகளில் புத்த சின்னங்களும், புத்த கோயில்களின் எச்சங்களும் காணப்படுகின்றன இவை சிங்கள பௌத்தத்தின் அடையாளங்கள் என்று சிங்கள பௌத்த பேரினவாதிகள் புதிய வரலாறு படைக்கின்றனர் யாழ் கந்தரோடையிலுள்ள புத்த மத இடிபாடுகள் சிங்கள பௌத்தத்திற்கு உரியவை என்ற வாதம் நிறுவப்படுகிறது.
கந்தரோடை இடிபாடுகளுக்கு சிங்களப் பெயர் சூட்டப் பட்டுள்ளதோடு சிங்களப் புத்த பிக்குகளும் அங்கு நிலைகொண்டுள்ளனர் பிக்குகளின் பாதுகாப்பிற்காக சிங்கள இராணுவ அணி நிறுத்தப்பட்டுள்ளது பாலஸ்தீன அரபு மக்களின் பூர்வீக நிலத்தை ஆக்கிரமிக்கும் யூத அரசு போலி வரலாற்று செய்திகளைக் கூறுவது வழமை.

பழைய ஏற்பாட்டில் இருந்து எடுக்கப்பட்ட பெயர்களை ஆக்கிரமிப்புச் செய்த நிலத்திற்குச் சூட்டியபின் அது புராதான கால யூத நிலம் என்று உரிமை  கோருவது இஸ்ரேலிய நடைமுறை இதைச் சிங்கள அரசும் பின்பற்றுகிறது சிறிலங்கா சுதந்திரம் பெற்ற நாட்தொட்டுத் தமிழர் நிலத்தில் சிங்களக் குடியேற்றங்கள் இடைவிடாது நடக்கின்றன.



எந்தக் கட்சி ஆட்சியைப் பிடித்தாலும் வெப்ப வலய மேம் பாட்டுத் திட்டம் என்ற பெயரில் சிங்களக் குடியேற்றம் தமிழர் எதிர்ப்பையும் மீறி முன்னெடுக்கப் படுககின்றது இராணுவம் மற்றும் விசேட அதிரடிப்படை தமிழர்களை விரட்டுவதற்கும் குடியேற்ற வாசிகளுக்குப் பாதுகாப்பு வழங்குவதற்கும் பயன்படுத்தப்படுகிறது.

தமிழர் நிலத்திற்க்குப் புதிய சிங்களப் பெயர் சூட்டும் செயற்பாடு இன்னுமோர் பக்கத்தில் நடக்கிறது பெயர் மாற்றம் செய்யப்பட்ட தமிழ் மண்ணின் பட்டியல் மிக நீளமானது மிக அண்மையில் முல்லைத்தீவு மூலதூவ என்றும் கிளிநொச்சி கிரானிக்கா என்றும் பெயர் மாற்றம் செய்யப்பட்டுள்ளன. இனப் படுகொலையின் அங்கமாகவும் சிங்களக் குடியேற்றத்தை பார்க்கலாம் மணலாறில் வாழ்ந்த தமிழ்க் குடும்பங்கள் nஐனரல் ஐhனகா பெறேரா தலைமையிலான இராணுவத்தால் சுட்டும் வெட்டியும் கொன்று விரட்டப்பட்டுள்ளன.


ஓரு தமிழ்க் கிராமத்திற்கு ஐhனகாபுர என்று தன்னுடைய பெயரை அவர் சூட்டியுள்ளார் குடியேற்றத்தின் மூலம் தமிழர்கள் அம்பாறை, மட்டக்களப்பு, திருகோணமலை, மணலாறு ஆகிய பகுதிகளில் சிறுபான்மையினராக ஆக்கப்பட்டுள்ளனர் இப்போது வடக்கில் குடியேற்றம் தொடங்கிவிட்டது.

குடியேற்றத்தின் மூலம் இனப் பிரச்சனைக்குத் திர்வு காணமுடியும் என்று கூறும் புவியியல் ஆய்வு நூல்கள் வெளிவந்துள்ளன. வடக்கு கிழக்கில் தமிழர் வாழும் நிலம் சிங்களவருடைய நிலம் என்று வாதிடும் சிங்களப் பேரினவாதிகள் ஒரு நூற்றாண்டுக்கு மேலாக இலங்கையில் நிலவிய சோழர் ஆட்சியின் போது தாம் அங்கிருந்து விரட்டியடிக்கப்பட்டதாகக் கூறுகிறார்கள்.


தாம் குடியேறும் நிலத்திற்கு தாமே சொந்தக்காரர்கள் தமிழர்கள் அல்லவென்றும் வாதிடுகிறார்கள். இது போதாதென்று 1956 தொடக்கம் காலத்திற்கு காலம் அரசு ஆதரவு பெற்ற சிங்களக் காடையர்கள் இராணுவ மற்றும் பொலிஸ் பாதுகாப்புடன் தமிழர் மீது தாக்குதல் நடத்தினார்கள். உயிரிழப்புக்களையும் சொத்திழப்புக்களையும் தமிழர்கள் சந்தித்தனர் 1983ல் இது உச்சம் அடைந்தது.

பாதிக்கப்பட்ட தமிழர்கள் வெளிநாடுகடுளுக்குத் தப்பியோடும் நிர்ப்பந்தம் ஏற்பட்டது தமிழ் டயஸ் போறா எனப்படும் புலம்பெயர் தமிழர் சமூகம் அனைத்துலக மட்டத்தில் தோன்றியது உலகத் தமிழர் என்றால்  புலம்பெயர்ந்த ஈழத் தமிழர்கள் என்ற கருத்து நிலவுவதற்கு இது தான் காரணம்

தமிழர் தாயகம் மனிதப் புதைகுழிகள் நிறைந்த பூமி மட்டு அம்பாறைத் தமிழுறவுகள் கொடுத்த விலை மிக அதிகம் கொக்கட்டிச் சோலையிலே தமிழர் வீடுகள் குடிசைகள் தோறும் எண்ணற்றோர் உயிரிழந்துள்ளனர் வடக்கில் செம்மணி, வயாவிளான் என்பன கொன்று புதைக்கப்பட்டவர்களுக்குச் சாட்சி பகர்கின்றன இறுதியாக இப்போது முள்ளிவாய்க்காலில் மீண்டும் புதைகுழி.

வரலாறு எமது வழிகாட்டி என்று சொன்ன தமிழீழத்  தேசியத் தலைவர் பிரபாகரன் அவர்கள் “ சிங்களப் பயங்கரவாதம் எமது தேசிய ஆன்மாவில் விழுத்திய வடுக்கள் என்றுமே மாறப் போவதில்லை ‘என்று அடித்தக் கூறியுள்ளார் .



பிரபாகரனின் தனிப்பெரும் பண்புகளை இங்கு எடுத்துக் காட்டலாம் குறைந்த பேச்சு, நிறைந்த கேள்வி, தனித்த சிந்தனை, கருத்தில் தெளிவு சாதனைக்கு மதிப்பு எனலாம் அவர் மேடை போட்டு முழங்கியதில்லை. வேட்டி சால்வை அணிந்து அரசியல்வாதி வேடம் தரித்ததில்லை தந்தவனுக்கே திருப்பி கொடு இது தான் அவருடைய செய்தி அடித்தவனைத் திருப்பியடி என்பது இந்தச் செய்தியின் சாரம்சம் அறிவு ரீதியாகவும் விஞ்ஞான ரீதியாகவும் தமிழீழனம் வளர வேண்டுமென்டு ஆசைப்பட்டு அதற்காக உழைத்தவர் விடுதலைப் பெற்ற தமிழீழம் பொருளாதார சுபீட்சம் காணவேண்டுமென்டு திட்டமிட்டார்.

சாதி ஒழிப்பிற்கு அவர் முன்னுரிமை அளித்தார் சீதனக் கொடுக்கல் வாங்கலைத் தடைசெய்தார் மதச் சமத்துவத்தைப் பேணினார் தமிழீழ காவல்துறையை உருவாக்கி சட்ட ஒழுங்கை அமுலாக்கினார் ; எல்லாவற்றிக்கும் மேலாக அவர் பெண்கள் வாழ்வில் புரட்சிகர மாற்றத்தைத் ஏற்படுத்தினார் ஒரு புதுமைப் பெண்னை, புரட்சிகரப் பெண்னை தமிழீழ விடுதலைப்புலிகள் உருவாக்கினார்கள் அதன் தாக்கம் நிரந்தரமானது.

தேசியத் தலைவர் அவர்கள் ஒரு சந்தர்ப்பத்தில் “ மகளீர் படையணினின்  தோற்றமும் வளர்ச்சியும் எழுச்சியும் எமது இயக்கம் படைத்த மாபெரும் சாதனைகளில் ஒன்று “ என்று சொன்னார்.

தன்னாட்சி பெற்ற தமிழீழத்திற்கான அரசியல் சாசனத்தை உருவாக்குவதற்காக உலகின் தலைசிறந்த அரசறிவியல் பேராசியர்களையும் புலிகள் அமைப்பில் உறுப்பியம் பெற்;ற வல்லுனர்களையும் ஒன்றிணைத்து ஒரு  வரைவைத் தயாரித்தார் சாசனவியலாளர்களால் அந்த வரைவு போற்றி பாதுகாக்கப்படுகிறது.



ஒடுக்கப்பட்ட இனம் தொடர்ந்து ஒடுங்கியிராது என்பதற்கு பிரபாகரன் தொடுத்த விடுலைப் போர் சாட்சியாக அமைகிறது பிரபாகரன் நேத்தாஜி சுபாஸ் சந்திரபோசை நேசித்தார். அவரைப் போலவே பிரபாகரன் தூய்மையாக வாழ்ந்தார் நேத்தாஜியின் போராட்டப் பங்களிப்பு இன்னும் சரிவர கணிப்பி;டப் படவில்லை. மழங்ககடிக்கப் படுகிறது என்று கூடச் சொல்லலாம்.

தமிழினத்தை கடந்த முப்பதிற்கும் மேலான வருட காலம் வழிநடத்தி வரும் பிரபாகரன் அவர்களின் தாக்கம் உலகத் தமிழினத்தால் மிக நன்றாக உணரப்படுகிறது. உலக தமிழ்ச் சமுதாயத்தில் எது நடந்தாலும் அவருடைய தாக்கம் இல்லாமல் நடக்க முடியாதளவிற்கு அவர் முத்திரை பதித்துள்ளார்.