Sunday, 30 September 2018

அல்பிரட் துரையப்பா முதல் காமினி வரை - பகுதி- 82

85ஆம் ஆண்டு 250 கிலோ வெடிமருந்து லொறியில் நிரப்பி கொழும்பில் பாரிய குண்டுத் தாக்குதல் ஒன்றுக்கு திட்டமிட்ட ஈரோஸ்!!: நடந்தது என்ன?? (அல்பிரட் துரையப்பா முதல் காமினிவரை- 82


குண்டு ஒன்று இலக்குகள் மூன்று: கொழும்பில் பாரிய குண்டுத் தாக்குதல் ஒன்றுக்கு திட்டமிட்டது ஈரோஸ். திட்டம் மிகப் பயங்கரமானது ஒரே நேரத்தில் பல இலக்குகள். ஜனாதிபதி மாவத்தையில் உள்ள ஜனாதிபதி மாளிகை, தலைமைத் தபால் நிலையம், பொலிஸ் தலைமைக் காரியாலயம். மூன்றும்தான் இலக்குகள். மூன்று இலக்குகளையும் ஒரே நேரத்தில் தகர்க்கக்கூடியவகையில், மூன்றுக்கும் பொதுவான இடத்தில் குண்டு வெடிக்க வேண்டும். வெடிமருந்து நிரப்பப்பட்ட லொறியை கொண்டு சென்று நிறுத்திவிட்டு வந்துவிட்டால் போதும், திட்டம் வெற்றியாகிவிடும். மூன்று இலக்குகள் என்பதால் பாரிய குண்டாக இருக்கவேண்டும். அதனால் முதன்முதலாக பெருமளவான வெடிமருந்தை ஈரோஸ் பயன்படுத்தியது.
குண்டு ஒன்று இலக்குகள் மூன்று: கொழும்பில் பாரிய குண்டுத் தாக்குதல் ஒன்றுக்கு திட்டமிட்டது ஈரோஸ். திட்டம் மிகப் பயங்கரமானது
ஒரே நேரத்தில் பல இலக்குகள்

ஜனாதிபதி மாவத்தையில் உள்ள ஜனாதிபதி மாளிகை, தலைமைத் தபால் நிலையம், பொலிஸ் தலைமைக் காரியாலயம்
மூன்றும்தான் இலக்குகள்.
மூன்று இலக்குகளையும் ஒரே நேரத்தில் தகர்க்கக்கூடியவகையில், மூன்றுக்கும் பொதுவான இடத்தில் குண்டு வெடிக்க வேண்டும்.
வெடிமருந்து நிரப்பப்பட்ட லொறியை கொண்டு சென்று நிறுத்திவிட்டு வந்துவிட்டால் போதும், திட்டம் வெற்றியாகிவிடும்.
மூன்று இலக்குகள் என்பதால் பாரிய குண்டாக இருக்கவேண்டும். அதனால் முதன்முதலாக பெருமளவான வெடிமருந்தை ஈரோஸ் பயன்படுத்தியது.
மொத்தம் 250 கிலோ வெடிமருந்து லொறியில் நிரப்பப்பட்டது.
ரஞ்சன்-குட்டி ஆகியோர் லொறியில் செல்ல வேண்டும். தலைமைத் தபால் நிலையம் முன்பாக உள்ள வாகனத் தரிப்பிடத்தில் லொறியை நிறுத்திவிட்டு இருவரும் வந்துவிடவேண்டும்.
பகல் நேரம் சரியாக 11.05க்கு லொறி குறிப்பிட்ட இடத்திற்கு சென்றுவிட வேண்டும்.
சரியாக 11.45 மணிக்கு வெடிக்கக்கூடிய வகையில் குண்டு தயார் செய்யப்பட்டிருந்தது.
குண்டுவெடிப்பின் பின்னர் கொழும்பில் தேடுதல் நடவடிக்கை தீவிரமாகும்.
கொழும்பில் ஈரோஸ் நடவடிக்கைகளுக்கு துடிப்பாக பங்காற்றியவர் குட்டி. அதனால் குட்டியை பாதுகாக்க வேண்டும். மாட்டிக்கொள்ள விட்டுவிடக் கூடாது என்பதும் ஈரோஸ் தலைமையின் அக்கறையாக இருந்தது.
குண்டுலொறியை கொண்டுசென்று விட்டதும் குட்டி ஒரு ஓட்டோ பிடித்துக் கொண்டு ரயில் நிலையம் சென்று, யாழ்ப்பாணம் போக வேண்டும் என்பதும் கட்டளை.
இடையிலேயே சிக்கல்
11.07.85 அன்று குண்டு லொறியில் இருவரும் ஏறினார்கள். லொறி கொட்டாஞ்சேனை செல்லமஹால் தியேட்டர் அருகேசெல்லும் போது கடிகாரத்தில் நேரம் பார்த்தார் குட்டி.
11.05க்குத்தானே குறிப்பிட்ட இடத்துக்குச் செல்லவேண்டும். அதற்கு இன்னமும் போதிய நேரம் இருந்தது. அதனால் செல்லமஹால் தியேட்டருக்கு அருகாமையில் லொறியை ஓரம்கட்டி நிறுத்தச் சொன்னார் குட்டி.
லொறியில் இருந்து இறங்கி தொலைபேசி உள்ள ஒரு இடத்திறகு சென்று, கொழும்பில் இருந்த தமது சகாவுக்கு போன் செய்தார். “எல்லாம் சரி. 11.45க்கு ரயிலில் ஏறிவிடுவேன்” என்று சொல்லிவிட்டு குட்டி திரும்பினார்.
இதற்கிடையே லொறியில் இருந்த ரஞ்சன் ஒரு காரியம் செய்தார்.
குட்டியும் போய்விட்டார். நேரமும் இருக்கிறது. அருகில் உள்ள நண்பரை எட்டிப்பார்த்துவிட்டு வரலாமே என்று நினைத்து லொறியில் இருந்து இறங்கிச் சென்றுவிட்டார்.
அப்போது அவ்வழியாக வந்தார் போக்குவரத்து பிரிவைச் சேர்ந்த ஒரு பொலிஸ்காரர். அந்த இடத்தில் லொறியை நிறுத்தக்கூடாது. எனவே லொறியை நோக்கி அவர் செல்லவும், ரஞ்சன் வந்து லொறியில் ஏறவும் கரியாக இருந்தது.
பொலிஸைக் கண்டதும் ரஞ்சனுக்கு பதட்டம் ஏற்பட்டுவிட்டது. ரஞ்சனுக்கு அனுபவமும் போதாது. இப்படி ஒரு சிக்கல் வரும் என்று எதிர்பார்க்கவில்லை. குட்டியையும் காணவில்லை. பதட்டம் அதிகரித்தது.
பொலிஸ்காரர் கேட்ட கேளிவிகளுக்கு ரஞ்சனால் சரியாகப் பதில் சொல்ல முடியவில்லை. தடுமாறினார்.
பொலிஸ்காரருக்கு சந்தேகம் தொட்டுவிட்டது. ரஞ்சனுக்கு சிங்களம் தெரியும். ஆனாலும் அவரது பேச்சில் இருந்து தமிழ் ஆள் என்பதும் தெரிந்துவிட்டது.
அதேநேரம் போன் செய்துவிட்டு லொறியை நோக்கி வந்து கொண்டிருந்தார் குட்டி.
லொறிக்கு அருகில் பொலிஸ்காரர் ஒருவர் நிற்பதைக்கண்டுவிட்டார் குட்டி. மெல்ல நழுவினார். வந்த பஸ் ஒன்றில் தொற்றிக்கொண்டு ரயில் நிலையம் சென்றுவிட்டார்.
ரஞ்சனை விசாரித்த பொலிஸ்காரர் கொட்டாஞ்சேனை பொலிசாருக்கு தகவல் அனுப்பினார்.
பொலிஸார் வந்து லொறியை சோதனையிட்டார்கள்.
உள்ளே வெடிகுண்டு.
ரஞ்சன் கைது செய்யப்பட்டார்.
குட்டி யாழ்ப்பாணம் செல்லும் ரயிலில் பயணம் செய்து கொண்டிருந்தார்.
இலங்கை அரசாங்கத்திற்கு அதிஷ்டம். லொறி பிடிபட்டிருக்காவிட்டால் கொழும்பில் முதலாவது பாரிய குண்டுவெடிப்பு நிகழ்ந்திருக்கும்.
நேரக்குண்டு ரயிலில்
இலங்கை அரசாங்கத்திற்கு அப்போது உதவி செய்த நாடுகளில் முக்கியமானது பாகிஸ்தான். இராணுவ உதவிகளோடு, இராணுவத்தினருக்கு பாகிஸ்தானில் வைத்து பயிற்சியும் வழங்கியது பாகிஸ்தான்.
பாகிஸ்தான் அதிபராக அப்போது இருந்தவர் சியாவுல்ஹக்.
இலங்கைக்கு விஜயம் ஒன்றை மேற்கொண்டார் சியாவுல்ஹக். அவரது விஜயத்திற்கு எதிர்ப்பு தெரிவிக்கும் நடவடிக்கை ஒன்றுக்கு திட்டமிட்டது ஈரோஸ்.
யாழ்ப்பாணம் காங்கேசன்துறையில் இருந்து புறப்படும் ரயில் வண்டியில் நேரக்குண்டு பொருத்தவேண்டும்.
கொழும்பு மருதானை புகையிரத நிலையத்தை நெருங்கும்போது வெடிக்கக்கூடியதாக நேரக்குண்டு தயார் செய்யப்பட்டது. காங்கேசன்துறையில் வைத்து நேரக்குண்டை வைக்கும் பொறுப்பு குட்டியிடமும், கண்ணனிடமும் ஒப்படைக்கப்பட்டது.
பாரிய இழப்பு
மொத்தம் மூன்று குண்டுகள் கொண்டு சென்றனர். மூன்றாவது குண்டை வைக்க முடியவில்லை. மூன்றாவது குண்டுடன் குட்டியும், கண்ணனும் திரும்பிக்கொண்டிருந்தபோது, அந்தக் குண்டு வெடித்துவிட்டது.
குட்டியும், கண்ணனும் பலியானார்கள்.
இரண்டு குண்டுகளுடன் புறப்பட்டது ரயில். மருதானை ரயில் நிலையத்தை சென்றடைய முன்பாக, வியாங்கொடவில் குண்டுகள் வெடித்துவிட்டன.
4 பேர் பலியானார்கள். 10ற்கு மேற்பட்டோர் காயமடைந்தனர்.
குட்டியும், கண்ணனும் பலியானது ஈரோசுக்கு பலத்த இழப்பாக அமைந்தது.
இருவருமே கொழும்பு நடவக்கைகளின் அச்சாணிகளாக இருந்தவர்கள். குட்டியின் சொந்தப் பெயர் விஜய ரஞ்சன். யாழ்ப்பாணம் கோண்டாவிலைச் சேர்ந்தவர்.
இலண்டனில் இருந்த குட்டி 1982 இல் ஈரோஸ் இயக்கத்தில் இணைந்துகொண்டார். இலண்டனில் இருந்து திரும்பிவந்தார். கண்ணனின் சொந்தப்பெயர் பார்த்திபன். கொழும்பு தெமட்டகொடயைச் சேர்ந்தவர்.
கண்ணன் ஜெர்மனியில் இருந்தபோது 1982இல் ஈரோஸின் தொடர்பு ஏற்பட்டது. ஈரோசில் இணைந்து ஜெர்மனியில் இருந்து திரும்பி வந்தார்.
இருவரது இழப்பின் பின்னர் கொழும்பில் ஈரோஸ் நடவடிக்கைகளில் தொய்வு ஏற்பட்டது.
கொழும்பு நடவடிக்கைகளில் முக்கிய பங்கு கொண்ட ஈரோஸ் உறுப்பினர்களான கரண், ஐ.பி.ரி. வரதன் போன்றோர் பொலிசாரால் தீவிரமாகத் தேடப்பட்டனர்.
எனவே-கொழும்பில் இருந்து குண்டுத்தாக்குதலை நடத்துவதற்கு பதிலாக வேறு திட்டம் பற்றி யோசித்தது ஈரோஸ்.
யாழிலிருந்து வந்த குண்டு
யாழ்ப்பாணத்தில் சமையல் வாயு விற்பனை செய்வதற்கு பிரபல ஏஜன்டுகளாக இருந்தது முகம்மது அலி, அப்துல் அலி ஏஜன்ட்.
அவர்களிடம் காஸ் சிலின்டர் ஒன்றை வாங்கினார்கள் ஈரோஸ் இயக்கத்தினர்.
காஸ் சிலிண்டரை கவனமாக வெட்டி, உள்ளே வெடிமருந்து நிரப்பப்பட்டதுஃ பின்னர் வெட்டிய தடயமே தெரியாமல் சரிசெய்து சிலிண்டரை திருப்பி ஒப்படைத்து விட்டனர்.
காஸ் நிரப்பும்போது சிலிண்டர் வெடிக்கக்கூடிய வகையில் கச்சிதமாக தயார் செய்திருந்தனர்.
பலநோக்கு கூட்டுறவு சங்க லொறியில் வெற்று காஸ் சிலிண்டர்கள் ஏற்றப்பட்டு கொழும்புக்கு கொண்டுவந்து, காஸ் நிரப்பும் ஆலையில் ஒப்படைக்கப்படும்.
வெற்று சிலிண்டர்களோடு சிலிண்டர்களாக வெடிமருந்து நிரப்பப்பட்ட சிலிண்டரும் வந்து சேர்ந்தது. காஸ் நிரப்பும் வேலை ஆரம்பித்தது. ஈரோஸ் அனுப்பிய சிலிண்டரும் வந்து சேர்ந்தது.
காஸ் நிரப்பப்பட்டுக்கொண்டிருந்த போது சிலிண்டர் வெடித்தது.
காஸ் நிரப்பும் ஆலைக்கு பலத்த சேதம். மூன்றுக்கு மேற்பட்டோர் பலியானார்கள். இது நடந்தது 18.03.86இல்.
இந்த நடவடிக்கை வெற்றி பெற்றதால் ஈரோசுக்கு அதே பாணியில் மற்றொரு நடவடிக்கை மேற்கொள்ளும் எண்ணம் ஏற்பட்டுவிட்டது.
அனுராதபுரத்திற்கு வி.ஜெ.சரவணபவனுக்கு சொந்தமான பெற்றோல் பவுசர்களில் யாழ்ப்பாண பெற்றோல் நிலையங்களுக்கு பெற்றோல் வருவதுண்டு.
வி.ஜெ.சரவணபவன் ஐ.தே.கட்சியைச் சேர்ந்தவர். அதனால் அவரது பவுசர்களுக்கு பெற்றோல் நிரப்பும் ஆலைகளில் தனி மரியாதை.
யாழ்ப்பாணத்தில் நின்ற அவரது பெற்றோல் பவுசர் ஒன்றை தமது பாவணைக்கு தருமாறு வாங்கினார்கள் ஈரோஸ் இயக்கத்தினர்.
பெற்றோல் பவுசருக்குள் வெடிமருந்தை நிரப்பிவிட்டு, மீண்டும் உரியவர்களிடம் ஒப்படைத்துவிட்டனர்.
தமது பாவணைக்குத்தான் பவுசரை ஈரோஸ் இயக்கத்தினர் கொண்டுசென்றனர். பாவணை முடிந்ததும் பத்திரமாகத் திருப்பித் தந்துவிட்டனர் என்று வி.ஜெ.எஸ். நிறுவனத்தினருக்கு நல்ல சந்தோசம்.
யாழ்ப்பாணத்திலிருந்து புறப்பட்ட பெற்றோல் பவுசர் அனுராதபுரம் பெற்றோல் நிரப்பும் ஆலைக்குச் சென்றது.
23.04.86 அநுராதபுரம் பெற்றோலியக் கூட்டுத்தாபனத்துக்குள் வி.ஜெ.எஸ். பெற்றோல் பவுசர் அனுமதிக்கப்பட்டது. பெற்றோல் நிரப்பப்பட்டுக் கொண்டிருந்தபோது பவுசர் வெடித்தது.
எங்கும் தீ பற்றிக்கொண்டது. உடனடியாகத் தீயை அணைக்க முடியவில்லை. தொடர்ச்சியாக மூன்று நாட்கள் பெற்றோலியக் களஞ்சியம் எரிந்து கொண்டிருந்தது.
குண்டுவெடிப்பில் 9 பேர் வரை கொல்லப்பட்டனர். பலர் படுகாயமடைந்தனர்.
பலகோடி ரூபாய்கள் அரசுக்கு நஷ்டம். பெற்றோலியக் களஞ்சியம் முற்றாக நாசமடைந்தது.
இலங்கையில் மிகப்பெரிய பெற்றோலியக் களஞ்சியம் ஒன்றுக்குள் நடத்தப்பட்ட முதலாவது பெரிய தாக்குதல் அதுதான்.
கொழும்பில் மீண்டும்
கொழும்பு நடவடிக்கைகளுக்கு பொறுப்பான ஹென்றி என்னும் தமது உறுப்பினரை அனுப்பிவைத்தது ஈரோஸ். அவருக்குக் கொடுக்கப்பட்ட முதலாவது இலக்கு கொழும்பு தந்திக்காரியாலயம்.
குண்டுப்பார்சலை கொண்டுசென்று உள்ளே வைத்துவிட்டு வந்துவிடவேண்டியதுதான். 07.05.86 அன்று காலையிலேயே பார்சலுடன் புறப்பட்டுவிட்டார் ஹென்றி.
ஹென்றிக்கு அதுதான் முதல் அனுபவம். பார்சலோடு சென்ற தன்மீது சந்தேகப்பார்வைகள் விழுவது மாதிரி ஒரு உறுத்தல். சாதாரணமான பார்வைகளும் சந்தேகப்பார்வைகள் போலத்தான் தெரிந்தன.
எனவே-குண்டுப்பார்சலை குறிப்பிட்ட இடத்தில் வைக்காமல், வேறு ஒரு இடத்தில் வைத்துவிட்டு திரும்பிவிட்டார்.
காலை 9.22 மணிக்கு குண்டுவெடித்தது.
தந்திக்காரியாலயத்தில் நின்றவர்கள் 12 பேர் பலியானார்கள். 2 பேர் படுகாயமடைந்தனர். தந்திக்காரியாலய மேல்மாடி இடிந்தது. வெளிநாட்டு, உள்நாட்டு தந்திச்சேவைகள் பாதிப்படைந்தன.
குறிப்பிட்ட இடத்தில் குண்டுவைக்கப்பட்டு இருந்தால் சேதம் பல மடங்காகி இருக்கும்.
மற்றொரு லொறிக்குண்டு: மூன்றுநாள் எரிந்தது பெற்றோல் களஞ்சியம்

கொலன்னாவையில் உள்ள பெற்றோல் குதம்மீது குண்டுத்தாக்குதல் ஒன்றுக்கு திட்டமிட்டது ஈரோஸ். திட்டத்;தை நிறைவேற்றும் பொறுப்பு ஹென்றியிடம்தான் ஒப்படைக்கப்பட்டது.
லொறியில் வெடிமருந்தை நிரப்பிக் கொண்டுசென்று தாக்குவதுதான் திட்டம். வெள்ளவத்தை இராகிருஷ்ண மிஷனுக்கு பின்புறம் உள்ள இடத்தில் லொறியை நிறுத்தி வைத்திருந்தனர்.
வெடிமருந்து நிரப்புவதற்காக ஹென்றி லொறியை தயார் செய்து கொண்டிருந்தார்.
வெள்ளவத்தை ரயில்வே பாதையில் காவலுக்கு நின்ற பொலிசாருக்கு ஹென்றியின் நடவடிக்கைகள் சந்தேகத்தை ஏற்படுத்தி விட்டன.
என்ன செய்கிறார் என்று பார்க்க பொலிசார் லொறி அருகே வந்தனர். ஹென்றி பதட்டமில்லாமல் பொலிசாரோடு பேசி, அவர்களை சமாளித்து அனுப்பியிருக்கலாம்.
ஆனால், ஹென்றி பொலிசாரைக் கண்டதும் ஓடத்தொடங்கி விட்டார். பொலிசார் துரத்தத் தொடங்கினார்கள். ஹென்றி பிடிபட்டார்.
லொறியில் இருந்த குண்டும் மாட்டியது.
கொலன்னாவ எரிபொருள் குதம் அதனால் தப்பியது.
டயருக்குள் தந்திரம்
கொழும்புக்குள் யாழ்ப்பாணத்திலிருந்து வெடிமருந்தை கொண்டுவந்து சேர்ப்பதற்கு பல தந்திரங்களைக் கையாண்டது ஈரோஸ்.
சுதா மாஸ்டரும் வேறு சில ஈரோஸ் உறுப்பினர்களும் யாழ்ப்பாணத்திலிருந்து கொழும்புக்கு வெடிமருந்துகளை அனுப்பிவைப்பதில் முக்கிய பங்கு வகித்தனர்.
லொறியில் மேலதிகமாக வைக்கப்பட்டிருக்கும் டயரில் (எக்ஸ்ராவீல்) வெடி மருந்தை நிரப்பியும் பலமுறை அனுப்பி வைத்திருக்கிறார்கள்.
ரியூப்புக்குள் வெடிமருந்தை அடைத்து, மீண்டும் ரியூப்பை ஒட்டுவார்கள். காற்றில்லாமல் இருந்தால் சந்தேகம் வருமல்லவா. அதனால் குறிப்பிட்டளவான காற்றும் அடித்துவிடுவார்கள்.
15 கிலோ காற்றுத்தான் அடிக்க வேண்டும். சற்று காற்றுக் கூடினாலும் ஆபத்து. வெடித்துவிடும். பொலிசார் தீவிரமாக லொறிகளை சோதனையிட்டுத்தான் கொழும்புக்குள் அனுமதிப்பர்.
கொழும்பில் தொடராக பல குண்டு வெடிப்புக்கள் நடைபெற்றதால், லொறிகளில் வெடிமருந்துகள் கொண்டுவரப்படலாம் என்ற சந்தேகம் பொலிசாருக்கு ஏற்பட்டிருந்தது. எனவே-பலத்த சோதனை நடக்கும்.
ஆனால், காற்றுள்ள டயருக்குள் வெடிமருந்து இருக்கும் என்று சந்தேகம் வரவேயில்லை.
ஜனாதிபதி மாளிகை தாக்குதலுக்கு திட்டமிட்டபோது இரண்டு லொறிகளில் எக்ஸ்ரா வீலுக்குள் வெடிமருந்தை கொழும்புக்கு அனுப்பியிருந்தது ஈரோஸ்.
ஈரோஸில் அப்போது இராணுவத் தளபதியாக இருந்தவர் சங்கர் ராஜி. துணைத் தளபதி கரண்.
கொழும்பில் ஹென்றி மாட்டியதால், யாழ்ப்பாணத்திலிருந்து கொண்டு கொழும்பில் மேற்கொள்ளக்கூடிய மற்றொரு தாக்குதலுக்கு திட்டமிட்டது ஈரோஸ்.
(தொடர்ந்து வரும்)

அல்பிரட் துரையப்பா முதல் காமினி வரை - பகுதி- 81

கொழும்பில் முதன்முதலில் குண்டு தாக்குதல்களை நடத்திய ஈரோஸ் இயக்கம் !! : அல்பிரட் துரையப்பா முதல் காமினிவரை- 81


கொழும்பு புறக்கோட்டை பஸ் நிலைய குண்டு வெடிப்பு, மருதானை பொலிஸ் நிலையம் அருகே நடைபெற்ற குண்டு வெடிப்புக்கள் பற்றி சென்றவாரம் விபரித்திருந்தேன். இந்த இரு நடவடிக்கைகளிலும் புலிகளால் பணம் கொடுத்து பயன்படுத்தப்பட்டவர் மனோகரி. அவரது தொழில் விபச்சாரம். புலிகள் இயக்க உறுப்பினரான மூர்த்தியுடன் ஹோட்டலில் தங்கியிருந்த போது, ஹோட்டலில் வேலை செய்த ஒரு இளைஞர்மீது கண்வைத்தார் மனோகரி. மூர்த்தி வெளியே செல்லும் நேரங்களில் அந்த இளைஞரோடு நெருக்கமாக இருந்தார் மனோகரி. ஆனாலும் தாம் எதற்காக அங்கு தங்கியிருக்கிறோம் என்பதை மட்டும் சொல்லவில்லை. அந்த இளைஞரின் பெயர், முகவரியை தனது டயரியில் குறித்து வைத்திருந்தார் மனோகரி. மனோகரி கைது செய்யப்பட்டபோது டயரியும் மாட்டடியது. டயரியைத் துருவினார்கள் பொலிசார்.
கொழும்பு புறக்கோட்டை பஸ் நிலைய குண்டு வெடிப்பு, மருதானை பொலிஸ் நிலையம் அருகே நடைபெற்ற குண்டு வெடிப்புக்கள் பற்றி சென்றவாரம் விபரித்திருந்தேன்.
இந்த இரு நடவடிக்கைகளிலும் புலிகளால் பணம் கொடுத்து பயன்படுத்தப்பட்டவர் மனோகரி. அவரது தொழில் விபச்சாரம்.


புலிகள் இயக்க உறுப்பினரான மூர்த்தியுடன் ஹோட்டலில் தங்கியிருந்த போது, ஹோட்டலில் வேலை செய்த ஒரு இளைஞர்மீது கண்வைத்தார் மனோகரி.
மூர்த்தி வெளியே செல்லும் நேரங்களில் அந்த இளைஞரோடு நெருக்கமாக இருந்தார் மனோகரி. ஆனாலும் தாம் எதற்காக அங்கு தங்கியிருக்கிறோம் என்பதை மட்டும் சொல்லவில்லை.
அந்த இளைஞரின் பெயர், முகவரியை தனது டயரியில் குறித்து வைத்திருந்தார் மனோகரி.
மனோகரி கைது செய்யப்பட்டபோது டயரியும் மாட்டடியது. டயரியைத் துருவினார்கள் பொலிசார்.
மனோகரியின் டயரியில் இருந்த பெயர் முகவரியை வைத்து மனோகரிக்கு நெருக்கமான அந்த இளைஞரும் கைது செய்யப்பட்டார். அவரது பெயர் முஸ்தபா. கிட்டத்தட்ட ஒருவருடம் அவர் உள்ளே இருந்தார்.
மற்றொரு முஸ்லிம் இளைஞரும் கைது செய்யப்பட்டார். அவரது பெயர் சையத் அகமட். அவர் மூர்த்தியின் நண்பர். ஆனால் மூர்த்தி இயக்கத்தில் இருந்தது அவருக்குத் தெரியாது.
ஈரோசின் நடவடிக்கைகள்
கொழும்பில் எங்கு குண்டுவெடித்தாலும் ஈரோசின் வேலை என்றுதான் அக்காலகட்டத்தில் நம்பப்பட்டது.
அதனால்தான் கொழும்பு புறக்கோட்டை குண்டு வெடிப்பும், மருதானைக் குண்டுவெடிப்பும் ஈரோசின் வேலை என்று சொல்லப்பட்டது.
கொழும்பில் குண்டுவெடிப்புக்களை ஆரம்பித்துவைத்த இயக்கம் ஈரோஸ்தான்.
கொழும்பில் அப்படியான நடவடிக்கைகளை மேற்கொள்ள முடியுமா என்று ஏனைய இயக்கங்கள் புலிகள் உட்பட – சந்தேகித்துக்கொண்டிருந்தபோது ஈரோஸ் தான் முதலில் இறங்கியது.
ஈரோஸ் இயக்கம் கொழும்பில் மேற்கொண்ட குண்டுத்தாக்குதல்கள் தொடர்பாகச் சொல்வதற்காக 1984ம் ஆண்டுக்கு திரும்பிச் செல்ல வேண்டியிருக்கிறது.
இலங்கை அரசாங்கம் ஈழப்போராளி இயக்கங்களை நசுக்க இஸ்ரேலிய மொசாட்டை அழைத்திருந்தது. மொசாட் ஆலோசகர்கள் கொழும்பில் எங்கு தங்குகிறார்கள் என்பது இரகசியமாக வைக்கப்பட்டிருந்தது.
மொசாட்டை சேர்ந்த சிலர் கொழும்பில் உள்ள ஒபரோய் ஹோட்டலில் அறை எடுத்து இரகசியமாக தங்கியிருந்தனர். அந்த விடயம் எப்படியோ ஈரோஸ் இயக்கத்துக்கு கிடைத்துவிட்டது.
மொசாட்டை சேர்ந்தவர்கள் 7ம் மாடியில் உள்ள அறையில்தான் தங்கியிருந்தார்கள்.
ஒபரோய் ஹோட்டலில் குண்டுவைப்பதற்கு ஈரோஸ் திட்டமிட்டது. கொழும்பில் ஈரோசின் முதல் நடவடிக்கை அதுதான். ஈரோசின் முதலாவது இராணுவ நடவடிக்கையும் அதுதான்.
ஒபரோயில் வெடித்தது
முதல் நடவடிக்கை என்பதால் மிகக் கவனமாக திட்டம் தீட்டினார்கள்.

ஈரோஸ் இயக்க்த்தில் குண்டு தயாரிப்பதில் திறமையானவர் கரண். அவரே நேரடியாக கொழும்புக்கு அனுப்பப்பட்டார். அவருடன் வாணி என்னும் பெண் உறுப்பினரும் வந்தார்.
இருவரும் தம்பதிகள் போல ஒபரோய் ஹோட்டலுக்கு சென்று அறை எடுத்து தங்கினார்கள். 7வது மாடியில் அவர்களுக்கு அறை கிடைத்தது.
சூட்கேஸில் வெடிமருந்து தயாராக இருந்தது. அறையில் வைத்து குண்டு தயாரித்தார் கரண்.
குண்டைத்தயாரித்து வைத்துவிட்டு இருவரும் அறையைப் பூட்டிக்கொண்டு புறப்பட்டனர்.
வெளியே சுற்றிப்பார்க்க செல்கிறார்கள் என்று ஹோட்டல் ரிசப்ஷனில் உள்ளவர்கள் நினைத்தனர்.
அவர்கள் வெளியே சென்றபின்னர் 7ம் மாடியில் குண்டுவெடித்தது. பல அறைகக் சேதமடைந்தன. ஒபரோய் ஹோட்டலில் பணியாற்றிய பெண் ஊழியர் ஒருவர் பலியானார். 30 பேர்வரை படுகாயமடைந்தனர்.
இக்குண்டு வெடிப்பு இடம்பெற்றது 28.06.84 இல்.
குண்டுவெடிப்பில் மொசாட்டை சேர்ந்த ஒருவரும் பலியானதாக ஈரோஸ் இயக்கம் கூறியது. இலங்கை அரசு அதனை மறுத்தது.

இரண்டாவது நடவடிக்கை
வடக்கு-கிழக்கு யுத்தத்தை மையடாக வைத்து ஜே.ஆர் அரசாங்கம் புதிதாக உருவாக்கியதுதான் தேசிய பாதுகாப்பு அமைச்சு.
கொழும்பில் தேசிய பாதுகாப்பு அமைச்சின் அலுவலகம் முன்பாக குண்டுவெடிப்பை நடத்துவது என்று ஈரோஸ் திட்டமிட்டது.
ஒபரோயில் குண்டு வெடிக்கும் அதே நாளில் தேசிய பாதுகாப்பு அமைச்சின் முன்பாகவும் குண்டு வெடிக்க வேண்டும் என்பதுதான் திட்டம்.
குண்டுப்பார்சலை கொண்டுசென்று வைக்கும் பொறுப்பு குட்டியிடம் ஒப்படைக்கப்பட்டது. அவர் ஈரோஸ் இயக்கத்தின் முன்னணி உறுப்பினர்.
குண்டுப்பார்சலை கொண்டுசென்று வைத்துவிட்டு திரும்பிவிட்டார் குட்டி.
பாதுகாப்புப் பணியில் ஈடுபட்டிருந்த இராணுவத்தினர் பார்வையில் பட்டுவிட்டது பார்சல். அவர்களுக்கு சந்தேகம் வந்துவிட்டது. அதனால் பார்சல் பரிசோதிக்கப்பட்டது. குண்டுவெடிப்பு தடுக்கப்பட்டது.
இந்த சம்பவங்களின் பின்னர் கொழும்பில் பாதுகாப்பு ஏற்பாடுகள் பலப்படுத்தப்பட்டன. கேந்திர நிலைகள் எந்நேரமும் கண்காணிக்கப்பட்டு வந்தன.
பாதுகாப்பு ஏற்பாடுகள் பலப்படுத்தப்பட்ட அதே நேரத்தில், அந்த பாதுகாப்பு ஏற்பாடுகளில் உள்ள ஓட்டைகளை தேடியது ஈரோஸ்.
கொழும்பில் பழைய பேப்பர்கள் பொறுக்குவது அப்போது பரவலாக நடைபெற்ற தொழில்.
ஈரோஸ் உறுப்பினர்கள் மூன்று பேர் பழைய பேப்பர் பொறுக்குபவர்களட போல சென்று மூன்றாவது குண்டுவெடிப்பை நடத்துவது என்று திட்டமிடப்பட்டது.
கொழும்பு துறைமுகத்தில் இருந்து சப்புகஸ்கந்தை, கொலன்னாவ பகுதிகளுக்கு செல்லும் எண்ணெய் குழாய்களை குண்டு வைத்து தகர்ப்பதுதான் இலக்கு.
கொலன்னாவ, முகத்துவாரம், ஊறுகொடவத்த ஆகிய இடங்களில் குண்டு வைப்பதுதான் திட்டம்.
மூன்று குண்டுகள் தயாரிக்கப்பட்டன. குண்டுகளை தயாரிப்பதில் முக்கிய பங்கெடுத்தவர் பரிபூரணன், அவர் பேராதனை பல்கலைக்கழகத்தில் பொறியியல் மாணவராக இருந்தவர்.
08.10.84 அன்று பரிபூரணன், குட்டி, வரதன் ஆகியோர் பேப்பர் பொறுக்குபவர்கள் போன்ற தோற்றத்துடன் புறப்பட்டனர்.
மூன்று திசைகளில்
மூவரும் மூன்று திசைகளில் பிரிந்து சென்றனர். கொலன்னாவ பஸ் நிலையத்திற்கு பின்புறமாக எண்ணெய் குழாய் செல்லும் பகுதியில் ஒரு குண்டு வைக்கப்பட்டது.
துறைமுகத்தில் இருந்து முகத்துவாரம் பகுதியாக செல்லும் எண்ணைய் குழாய் ஒன்றுக்கும் குண்டுவைக்கப்பட்டது.
மூன்றாவது குண்டை ஊறுகொடவத்தயில் உள்ள எண்ணைய் குழாய்க்கு வைப்பதற்காக பரிபூரணன் கொண்டு சென்றார்.
முதல் இரு குண்டுகளும் வெடித்து விட்டன. எனினும் எதிர்பார்த்ததுபோல பெரும் சேதம் ஏற்படவில்லை.
எண்ணெய் குழாய்கள் செல்லும் பாதைகளை கண்டுபிடித்து திட்டம் தீட்டியவர்கள் யாழ்ப்பாணத்தில் இருந்தார்கள். அவர்களுக்குத்தான் குறிப்பிட்ட பகுதிகள் நன்கு பரிச்சயமாக இருந்தன.
எந்த இடத்தில் குண்டுவைத்தால் பாரிய சேதம் ஏற்படும் என்ற விபரங்களும் அவர்களுக்குத்தான் நன்கு தெரிந்திருந்தது.
திட்டம் தீட்டியவர்கள் யாழ்ப்பாணம் சென்றுவிட்டு திரும்பிவர முடியவில்லை.
அதனால் திட்டம் மட்டும் கொழும்புக்கு வந்தது.
வரதன், பரிபூரணன், குட்டி ஆகியோருக்கு தாம் நடவடிக்கைகளில் ஈடுபடப்போகும் பகுதிகள் பரிச்சயமானவையாக இருக்கவில்லை.
அதனால் குண்டுவைப்பதில் சில தவறுகள் நேர்ந்தன. எனவே இரு குண்டுகள் வெடித்தபோதும் எதிர்பார்க்கப்பட்ட விளைவு ஏற்படவில்லை.
மூன்றாவது குண்டுடன் ஊறுகொடவத்தக்கு சென்ற பரிபூரணனும் இலக்கை சென்றடைய கஷ்டப்பட்டார். எப்படியோ நுழைந்து குண்டை பொருத்திக் கொண்டிருக்கும் போது, பொலிசார் வந்துவிட்டனர்.
தப்பிச் செல்ல வழியே இல்லை என்று தெரிந்துவிட்டது. என்ன செய்யலாம்? யோசிக்கவோ, தாமதிக்கவோ நேரம் இல்லை.
கொண்டுசென்ற குண்டை வெடிக்க வைத்து தன்னை அழித்துக்கொண்டார் பரிபூரணன்.
பரிபூரணன் ஊர்காவத்துறையைச் சேர்ந்தவர். ஈரோஸின் மாணவர் அமைப்பில் உறுப்பினராக இருந்தவர்.
பரிபூரணனின் மறைவுக்கு ஈ.பி.ஆர்.எல்.எஃப். அமைப்பும் அஞ்சலி வெளியிட்டு கௌரவம் செய்தது.
ஈரோஸ் அமைப்பு திட்டமிட்டிருந்தபடி குண்டுவெடிப்பு நடந்திருந்தால் எண்ணெய் குதம்வரை தீ பரவி, கொழும்பு நகரமே உருமாறியிருக்கும்.
ஆனால், நடடிக்கையின் போது ஏற்பட்ட சில தவறுகளால் குண்டுவெடிப்பு பாரிய சேதத்தை ஏற்படுத்தவில்லை.
கொழும்பில் முதன் முதலாக பாரிய பொருளாதார இலக்குக்கு குறிவைக்கப்பட்ட நடவடிக்கை அதுதான்.


அத்துலத் முதலிக்கு குண்டு

22.10.84 அன்று கொழும்புக்கும் வத்தளைக்கும் இடைப்பட்ட பேலியகொடவில் ஒரு பார்சல் கிடந்தது. அந்த வழியாக சென்ற இருவருக்கு பார்சலைக் கண்டதும் ஆசை வந்துவிட்டது.
உள்ளே பெறுமதியான பொருட்கள் ஏதாவது கிடக்கலாம். காலையிலேயே அதிஷ்டம் தேடிவருகிறது. விடுவானேன்.
பார்சலை எடுத்துப் பிரித்தனர். குண்டு வெடித்தது. இருவரும் பலியானார்கள்.
அன்றைய தினம் கொழும்பின் பல இடங்களில் குண்டுகள் வெடித்தன.
கொழும்பு கொச்சிக்கடையிலுள்ள துறைமுக பொலிஸ் நிலையம் முன்பாக ஒரு குண்டு வெடித்தது.
இன்னொரு குண்டு புகையிரத நிலையத்திற்கு முன்பாக வெடித்தது. அதன் அருகிலுள்ள இரவுச் சந்தைக்கு முன்பாக மூன்றாவது குண்டு வெடித்தது.
மருதானையில் உள்ள டவர் மண்டபம் முன்பாகவும் பலத்த சத்தத்துடன் குண்டு வெடித்தது.
ஒரே நாளில் கொழும்பின் பல இடங்களில் குண்டுகள் வெடித்தன. இதனால் பதட்டமான சூழ்நிலை ஏற்பட்டது.
அதேநேரம் தேசிய பாதுகாப்பு அமைச்சர் லலித் அத்துலத் முதலியின் வீட்டுக்கு அருகிலும் ஒரு வெடிகுண்டு பார்சல் வைக்கப்பட்டது. அது கண்டுபிடிக்கப்பட்டு செயலிழக்கச் செய்யப்பட்டது.
இலங்கை ஒலிபரப்புக் கூட்டுத்தாபனம் அருகேயும் வெடிகுண்டு பார்சல் ஒன்று அதுவும் பொலிசாரால் கண்டுபிடிக்கப்பட்டு செயலிழக்கச் செய்யப்பட்டது.
இந்த நடவடிக்கைகள் அனைத்தும் ஈரோஸ் இயக்கத்தால் மேற்கொள்ளப்பட்டன.
மலை உச்சியில் ஒரு தாக்குதல்
பேதுருதாலகால மலையின் உச்சியில் ஒரு இராணுவ முகாம் அமைந்திருந்தது. அங்கிருந்த ரூபவாகினி தொலைக்காட்சி அஞ்சல் கோபுரத்திற்கு பாதுகாப்பாகவே முகாம் இருந்தது.
மலையகமும் ஈழத்தின் ஒரு பகுதி என்பதுதான் ஈரோசின் கொள்கை. அதனால் மலையகத்தில் ஒரு தாக்குதல் நடத்த திட்டமிட்டது ஈரோஸ்.
நிலத்தில் இருந்து ஏறக்குறைய 8281 அடி உயரமான இடத்தில் மலையின் உச்சியில் இருந்தது இராணுவ முகாம். தொலைக்காட்சி கோபுரம்தான் இலக்கு.
மலையகத்தைச் சேர்ந்த கிருஷ்ணன், மலையகத்தில் தலவாக்கலயைச் சேர்ந்த வரதன் ஆகியோருடன் ஈரோசின் முக்கிய உறுப்பினரான் வரதனும் (ஐ.பி.ரி.வரதன்) இணைந்து நடவடிக்கையில் பங்குகொள்வது என்று தீர்மானிக்கப்பட்டது.
மலையில் வழிகாட்டிச் செல்வதற்கு ஒருவர் தேவைப்பட்டார். அவர் இயக்க உறுப்பினரல்ல. ஆனாலும் மலை ஏறுவதில் கெட்டிக்காரர்.
அவர் வழிகாட்டிச்செல்ல் மூவரும் மலையில் ஏறினார்கள். உச்சிக்கு வந்து விட்டனர்.
தொலைக்காட்சி அஞ்சல் கோபுரம் உயர்ந்து நின்றது. நெருங்கிவிட்டோம் என்று நிம்மதிப் பெருமூச்சு மூவருக்கும்.
இராணுவ முகாம் காவலரணில் இருந்தவர்கள் தங்களை கவனித்துவிட்டது போல மூவருக்கும் ஒரு உறுத்தல். அதனால் பதட்டம்.
இருப்பதோ மலை உச்சியில். பழக்கமில்லாத சூழல். கண்டுபிடித்துவிட்டார்கள் என்றால் தப்பிச்செல்ல வாய்ப்பே இல்லை என்றும் தெரிந்தது.
பதட்டம் காரணமாக தொலைக்காட்சி கோபுரத்தை நோக்கிச் செல்ல முடியவில்லை.
காவலரணுக்கு பின்புறமாக குண்டை வைத்துவிட்டு வந்துவிட்டார் கிருஷணன்.
மூவரும் சென்ற வழியே இறங்கி வந்துவிட்டனர்.
மலை உச்சியில் குண்டு வெடித்தது.
காவலரணில் இருந்த இராணுவ கோப்ரல் ஒருவர் உட்பட நால்வர் பலியானார்கள்.
தொலைக்காட்சி அஞ்சல் கோபுரம் தப்பிவிட்டது.
ரயில் நிலையத்தில்
இலங்கை அரசுக்கு பிரிட்டிஷ் அரசு இராணுவ உதவிகளை தாராளமாக வழங்கியது.
இலங்கை இராணுவத்துக்கு பிரிட்டிஷ் அரசாங்கம் பயிற்சி கொடுப்பதாகவும் இயக்கங்கள் குற்றம் சாட்டியிருந்தன.
பிரிட்டிஷ் பிரதமர் மாக்கிறட் தட்சர் கொழும்புக்கு விஜயம் செய்தார்.
ஏதாவது அசம்பாவிதம் நடந்துவிடும் என்று கருதி கொழும்பில் பொலிசாரும், இராணுவத்தினரும் குவிக்கப்பட்டிருந்தனர்.
கட்டுநாயக்கா செல்லும் புகையிரதத்தில் ஈரோஸ் உறுப்பினர்கள் இருவர் ஏறிக்கொண்டனர். ஒருவர் வரதன். இன்னொருவர் சகுந்தலா. தம்பதிகள் போல பயணம் செய்தனர்.
கட்டுநாயக்கா புகையிரத நிலையம் கட்டுநாயக்கா விமான நிலையம் அருகே இருந்தது. கட்டுநாயக்கா புகையிரத நிலையத்தில் தம்பதிகள் போலவே இறங்கி, குண்டை வைத்துவிட்டு நடையைக் கட்டினார்கள்.
குண்டு வெடித்தது.
புகையிரத நிலையமும் நான்கு புகையிரத பெட்டிகளும் முற்றாக சேதம் அடைந்தன.
மார்க்கிறட் தட்சரின் விஜயத்தின் போது குண்டுவெடிப்பு நடைபெற்றமையால் அரசாங்கத்திற்கு பெரும் சங்கடமாகப் போய்விட்டது.
விருந்தில் குண்டு
29.04.85 கொழும்பில் உள்ள இராணுவ தலைமையக கட்டிடத்திற்குள் விருந்து வைபவ ஏற்பாடுகள் நடந்து கொண்டிருந்தது.
இரண்டு பழைய பேப்பர்களை பொறுக்குவதுபோல பாசாங்கு செய்தபடி இராணுவ தலைமையக கட்டிடப்பகுதிக்குள் சென்றுவிட்டனர்.
விருந்து கொண்டாட ஏற்பாடுகளில் கவனம் இருந்தமையால் பழைய பேப்பர் பொறுக்குபவர்களது நடமாட்டத்தை யாரும் கவனிக்கவில்லை.
இருவரும் இராணுவ தலைமையக கட்டடத்தில் குண்டை மறைத்து வைத்து விட்டு திரும்பிவிட்டனர்.
இரவு விருந்து வைபவம் ஆரம்பமானது. சரியாக இரவு 8.20 மணிக்கு குண்டு வெடித்தது. இராணுவ ஆலோசகர்கள் உட்பட இரண்டு இராணுவவீரர்கள் பலியானார்கள்.
இராணுவ தலைமையகம் அருகில் இருந்த தாஜ் சமுத்திரா ஹோட்டலுக்கும் பாதிப்பு ஏற்பட்டது.
குட்டி, கண்ணன் ஆகிய ஈரோஸ் உறுப்பினர்கள் அந்த நடிவடிக்கையில் பங்கு கொண்டனர்.
பாகிஸ்தான் ஜனாதிபதி சியாவுல் ஹக் இலங்கைக்கு விஜயம் செய்தார்.
பாகிஸ்தானும் இலங்கை அரசுக்கு இராணுவ உதவிகள், பயிற்சிகள் என்பவற்றை வழங்கிவந்தது.
அதனால் சியாவுல் ஹக் விஜயம் செய்தமைக்கு எதிர்ப்பு தெரிவிக்கும் வகையில் குண்டு வெடிப்பு நடத்த ஈரோஸ் முடிவு செய்தது.
அது தொடர்பாகவும், கொழும்பில் திட்டமிடப்பட்ட பாரிய தாக்குதல் நடவடிக்கை தொடர்பாகவும் அடுத்தவாரம் சொல்கிறேன்.

(தொடர்ந்து வரும்)

-எழுதுவது அற்புதன்-

Saturday, 29 September 2018

அல்பிரட் துரையப்பா முதல் காமினி வரை - பகுதி- 80

றோ-புலிகள் கூட்டுத் திட்டம்: 150 சிங்கள பொதுமக்களை சுட்டுக்கொன்ற புலிகள்!! ( அல்பிரட் துரையப்பா முதல் காமினிவரை-80)


கொழும்பில் கார் ஒன்றை வாங்கி அதிலே குண்டு பொருத்தப்பட்டது. ஏப்ரல் 21ம் திகதி குண்டு பொருத்தப்பட்ட கார் கொழும்பு புறக்கோட்டை நோக்கிப் புறப்பட்டது. மாலை நேரமானதால் கொழும்பு புறக்கோட்டை ஜனங்களால் நிரம்பிவழிந்து கொண்டிருந்தது.  வானம் சற்று இருளத் தொடங்கியிருந்தது. மழை வரமுன்னர் பஸ்ஸைப் பிடித்து வீடு செல்லும் அவசரத்தில் சனங்கள் ஓட்டமும், நடையுமாக பஸ் நிலையத்தை நோக்கிச் சென்று கொண்டிருந்தனர். குண்டு பொருத்தப்பட்ட கார் புறக்கோட்டை பஸ் நிலையம் அருகே வந்து நின்றது. சாரதி ஆசனத்தில் இருந்தவர் இறங்கிச் சென்றுவிட்டார். காருக்குள் பொருத்தப்பட்டிருந்த நேரக் குண்டு தனது நேரம் வரும்வரை காத்திருந்தது. நடக்கப்போகும் கோரத்தை காணச் சகியாமல் வானம் கடும்போர்வைக்குள் தன்னை மூடிக்கொண்டது. கார்க் குண்டு பலத்த சத்தத்துடன் வெடித்தது. நகர் அதிர்ந்தது. அதேநேரம் வானம் இடிமுழக்கம் எழுப்பி மழை பொழியத் தொடங்கியது.
1987 சிங்கள-தமிழ் புத்தாண்டை முன்னிட்டு போர் நிறுத்தம் ஏற்படுத்தும் முயற்சி தோல்வியடைந்தது பற்றி சென்ற வாரம் குறிப்பிட்டிருந்தேன்.
போர் நிறுத்தத்துக்கு உடன்படமறுத்த பிரபாகரன் திருமலையில் இருந்த புலேந்திரனுக்கு தாக்குதல் ஒன்றுக்கான உத்தரவை அனுப்பினார்.
ஏப்ரல் 14ம் திகதி அநுராதபுரத்தில் புதுவருடக் கொண்டாட்டங்கள் நடைபெற்றன. பெருந்திரளான சிங்கள மக்கள் அதில் கலந்து கொண்டனர்.
நாட்டின் பல பகுதிகளில் இருந்தும் அநுராதபுரக் கொண்டாட்டத்துக்கு சிங்கள் மக்கள் சென்றிருந்தனர்.
திருக்கோணமலையில் குடியேறியிருந்த சிங்கள மக்கள் பலரும் கொண்டாட்டங்களுக்குச் சென்றிருந்தனர்.
வழிமறித்து தாக்குதல்

புதுவருட கொண்டாட்டங்கள் முடிந்து திருமலை நோக்கி பஸ்சில் சென்றுகொண்டிருந்தனர். ‘கித்துலுத்துவ’ என்னுமிடத்தில் வைத்து பஸ் வண்டிகள் வழி மறிக்கப்பட்டன.
மறித்தவர்கள் புலிகள் அமைப்பினர். பஸ்சிலிருந்து அனைவரையும் கீழே இறங்குமாறு கூறினார்கள் புலிகள்.
ஆயுத பாணிகளாக அவர்கள் நின்ற கோலத்தில் இருந்தே ஏதோ விபரீதம் நடக்கப்போகிறது என்று பஸ்சில் இருந்தவர்களுக்கு புரிந்து விட்டது.
அவர்கள் எதிர்பார்த்தது நடந்தது. பஸ்சிலிருந்து இறங்கியவர்கள்மீது சரமாரியாக சுடத்தொடங்கினார்கள் புலிகள்.
எங்கும் மரண ஓலம். துப்பாக்கி வேட்டொலிகள். உயிர்தப்பி ஓட நினைத்தவர்களும் துரத்திச்சென்று தாக்கப்பட்டனர்.
150 பேர் வரையான சிங்கள மக்கள் கொல்லப்பட்டனர்.
புலேந்தி அம்மான் என்றழைக்கப்படும் புலேந்திரன் தலைமையில்தான் அத்தாக்குதல் இடம்பெற்றது.
‘றோ’ போட்டதிட்டம்
இலங்கை அரசை வழிக்கு கொண்டு வர வேண்டுமானால் தலைநகரில் பாரிய தாக்குதல் ஒன்று நடத்தப்பட வேண்டும் என்று இந்திய உளவுப்பிரிவான ‘றோ’ திட்டமிட்டது.
‘றோ’ சார்பாக ஈழப்போராளி அமைப்புக்களைக் கையாண்டவர் சந்திரன். ஏனைய இயக்கங்களை விட புலிகள்மீது சநதிரனுக்கு ஒரு பிடிப்பு இருந்தது.
கொழும்பில் அக்காலகட்டத்தில் தாக்குதல் நடத்துவதானால் ஈரோசினால் மட்டுமேதான் முடியும் என்ற கருத்து இருந்தது.
கொழும்பில் குண்டுத்தாக்குதல்களையும் ஈரோஸ் நடத்தியிருந்தது. (அவை பற்றி பின்னர் குறிப்பிடப்படும்)
எனவே கொழும்பில் பாரிய தாக்குதல் ஒன்றை நடத்துவது தொடர்பாக ஈரோஸ் அமைப்பை முதலில் அணுகியது ‘றோ’. வெடிமருந்தும், தேவையான பணமும் தரப்படும் என்று ‘றோ’ சார்பாக சொல்லப்பட்டது.
தமது அமைப்பினருடன் பேசிவிட்டு முடிவு சொல்வதாக ஈரோஸ் சார்பில் பேசியவர் சொல்லிவிட்டு வந்துவிட்டார். ‘றோ’வின் திட்டம் குறித்து ஈரோசில் முக்கியமானவர்கள் கூடி விவாதித்தனர்.
ஈரோசினால் கொழும்பில் நடத்தப்பட்ட தாக்குதல்கள் பொருளாதார இலக்குகள், இராணுவ இலக்குகளை குறி வைத்தே நடத்தப்பட்டவையாகும்.
‘றோ’ வின் திட்டப்படி தாக்குதல் நடத்தினால் பொதுமக்களே பெருமளவில் பலியாக வேண்டியிருக்கும்.
‘றோ’வின் திட்டத்துக்கு உடன்பட முடியாது என்று ஈரோஸ் முடிவு செய்தது. என்றாலும் அதனை நேரடியாகச் சொல்லாமல் ஈரோஸ் பின்னடித்துக் கொண்டிருந்தது.
ஈரோஸ் தாமதம் செய்து இழுத்தடித்தமையால் புலிகளிடம் கேட்டது ‘றோ’.
“கொழும்பில் உங்களால் தாக்குதல் நடத்தமுடியுமா?” “முடியும்” என்றார்கள் புலிகள். ஆனால் றோவுக்கு சந்தேகம்தான். கொழும்பில் புலிகள் அக்காலகட்டத்தில் தாக்குதல் எதனையும் செய்திருக்கவில்லை.
தாக்குதலுக்குத் தேவையான வெடிமருந்து ‘றோ’வினால் வழங்கப்பட்டது. கிட்டத்தட்ட நூறுகிலோ nடிமருந்து கொடுக்கப்பட்டது.
தமிழ்நாட்டிலிருந்து வெடிமருந்தை யாழ்ப்பாணம் கொண்டுவந்து சேர்த்தார்ள் புலிகள். அடுத்து-அதனை கொழும்புக்கு கொண்டு செல்ல வேண்டும்.
யாழ் பல்கலைக்கழகத்தில் ‘தளிர்’ என்னும் பத்திரிகையை வெளியிட்டவர்களில் முக்கியமானவர் குரு.
‘தளிர்’ புலிகளுக்கு சார்பான சஞ்சிகை. பொதுவான சஞ்சிகை போன்று வெளியிட்டு வந்தனர்.
கொழும்பு நடவடிக்கைக்கு குருநாதன் பொறுப்பாக அனுப்பப்பட்டார். குண்டைத் தயாரிக்கும் பொறுப்பு சிவரூபன் என்பவருக்கு வழங்கப்பட்டது.
நீர்வேலி பப்பனின் லொறியில் சாமான்களோடு வெடிமருந்து கொழும்புக்கு வந்து சேர்ந்தது.
குண்டு கார் (புறக்கோட்டையில் குண்டு வெடிப்பு)
கொழும்பில் கார் ஒன்றை வாங்கி அதிலே குண்டு பொருத்தப்பட்டது. ஏப்ரல் 21ம் திகதி குண்டு பொருத்தப்பட்ட கார் கொழும்பு புறக்கோட்டை நோக்கிப் புறப்பட்டது.
மாலை நேரமானதால் கொழும்பு புறக்கோட்டை ஜனங்களால் நிரம்பிவழிந்து கொண்டிருந்தது. வானம் சற்று இருளத் தொடங்கியிருந்தது.
மழை வரமுன்னர் பஸ்ஸைப் பிடித்து வீடு செல்லும் அவசரத்தில் சனங்கள் ஓட்டமும், நடையுமாக பஸ் நிலையத்தை நோக்கிச் சென்று கொண்டிருந்தனர்.
குண்டு பொருத்தப்பட்ட கார் புறக்கோட்டை பஸ் நிலையம் அருகே வந்து நின்றது. சாரதி ஆசனத்தில் இருந்தவர் இறங்கிச் சென்றுவிட்டார்.
காருக்குள் பொருத்தப்பட்டிருந்த நேரக் குண்டு தனது நேரம் வரும்வரை காத்திருந்தது. நடக்கப்போகும் கோரத்தை காணச் சகியாமல் வானம் கடும்போர்வைக்குள் தன்னை மூடிக்கொண்டது.
கார்க் குண்டு பலத்த சத்தத்துடன் வெடித்தது. நகர் அதிர்ந்தது.
அதேநேரம் வானம் இடிமுழக்கம் எழுப்பி மழை பொழியத் தொடங்கியது.
புறக்கோட்டை பஸ் நிலையம் உருமாறிப் போயிருந்தது. பஸ் நிலையத்தில் காத்திருந்தவர்கள் உட்பட பலியான மக்களது எண்ணிக்கை நூற்றுக்கும் மேல்.
மூவினத்தைச் சேர்ந்தவர்களும் பலியானவர்களில் அடங்கியிருந்தனர்.
புறக்கோட்டை சம்பவத்தின் கோரத்தை விடாது பெய்துகொண்டிருந்த அடைமழை சற்றுத் தணித்துக் கொண்டிருந்தது.
அடைமழை பொழியத் தொடங்கி இருக்காவிட்டால் கலவர சூழ்நிலை ஒன்று உருவாகியிருக்கக்கூடும்.
கொழும்பில் அதுவரை நடத்தப்பட்ட தாக்குதல்களில் பொதுமக்கள் பெருமளவில் பலியான தாக்குதல் அதுதான்.
பொதுமக்களை இலக்காக வைத்து கொழும்பில் நடத்தப்பட்ட முதல் தாக்குதலும் அதுதான்.

பழி வேறிடத்தில்
குண்டுவெடிப்பை அடுத்து நாடெங்கும் ஊரடங்கு சட்டத்தை உடனடியாகப் பிறப்பித்தது அரசாங்கம்.
கொழும்பின் சில பகுதிகளில்மட்டும் தமிழர்களுக்குச் சொந்தமான கடைகள் தாக்கப்பட்டன. கலவர சூழல் ஏற்படாமல்
தடுப்பதில் அரசாங்கம் உறுதியான நடவடிக்கைகளை மேற்கொண்டமை குறிப்பிடத்தக்க அம்சம்.
1977, 1983ம் ஆண்டுகளில் ஜே.ஆர். அரசாங்கம் நினைத்திருந்தால் இனக்கலவரங்களை கட்டுப்படுத்தி இருக்கலாம் என்பதற்கு 1987ல் மேற்கொள்ளப்பட்ட கட்டுப்படுத்தும் நடவடிக்கை ஒரு சான்று.
எனினும், கொழும்பில் இருந்த தமிழர்கள் பலர் அரசாங்கத்தைவிட மழைக்கே நன்றி சொல்லிக்கொண்டனர். குண்டுத்தாக்குதலை நடத்தியவர்கள் புலிகள்தான். பழி விழுந்தது ஈரோஸ்மீது.
ஈரோஸ்தான் தாக்குதலை நடத்தியது என்று அரசாங்கமும் சந்தேகம் தெரிவித்தது. புலிகளும், ஈரோசும் இணைந்து செய்திருக்கலாம் என்றும் ஒரு ஊகம் வெளியானது.
தமக்கும், புறக்கோட்டைத் தாக்குதலுக்கும் எவ்வித தொடர்புமில்லை என்று ஈரோஸ் திட்டவட்டமாக மறுத்திருந்தது.
ஈரோசின் மறுப்பை யாருமே நம்பவில்லை.
புறக்கோட்டை பஸ் நிலைய குண்டுவெடிப்பை ஈழப்போராளிகளுக்கு எதிரான சர்வதேச பிரசாரத்திற்கு பயன்படுத்தியது அரசாங்கம்.
பொதுமக்களை இலக்காக வைத்து நடத்தப்பட்ட தாக்குதல் என்பதால் சர்வதேச கண்டனமும் எழுந்தது.
இத்தாக்குதலின் பின்னர் ‘றோ’வுக்கு புலிகளால் கொழும்பிலும் தாக்குதல் நடத்தமுடியும் என்ற நம்பிக்கை ஏற்பட்டிருந்தது.
புறக்கோட்டை குண்டுவெடிப்பின் பின்னர்தான் கொழும்பில் தமது நடவடிக்கைகளை தொடரலாம் என்ற நம்பிக்கையும் புலிகள் அமைப்பினருக்கு ஏற்பட்டது.
‘றோ’ அமைப்பால் புலிகள் இயக்கத்திற்கு ஒரு பெருந்தொகை வழங்கப்பட்டது. கிட்டத்தட்ட இருபது இலட்சம் ரூபாய் வழங்கப்பட்டதாக கூறப்படுகிறது. இதில் உறுதியான தகவல் கிடைக்கப்பெறவில்லை.
‘றோ’ கொழும்பு அரசாங்கத்தை அதன் காலடியில் வெடிக்கும் குண்டுகளால் அதிர்ச்சிக்குள்ளாக்க நினைத்தது.
பொதுமக்கள் பெருமளவில் பலியாகும் நடிவடிக்கை தெற்கிலும் பிரச்சனையின் தீவிரத்தை உணரச்செய்யும் என்பதும் நோக்கமாக இருந்திருக்கலாம்.
அரசாங்கத்தின் காலடியில் குண்டுகளை வெடிக்கச் செய்து நெருக்கடியை ஏற்படுத்தியது மூலம், இலங்கை அரசாங்கம் இந்திய மத்தியஸ்தத்தை நாடியே தீரவேண்டிய நிலைக்கு தள்ளப்படும்.
இந்தியா தவிர்ந்த வேறுநாடுகளை நம்பிக்கொண்டு இலங்கை அரசும், ஜே.ஆரும் வடக்கு-கிழக்கு நிலவரத்தை கட்டுப்படுத்த முடியாது என்ற செய்தியையும் குண்டு வெடிப்பு மூலம் ‘றோ’ வெளிப்படுத்த முயன்றிருக்கலாம்.
தமது நாட்டின் நலன் என்ற பக்கத்தில் இருந்து உளவுப்பிரிவுகள் தீட்டும் திட்டங்கள் நம்பமுடியாதளவுக்கு கொடூரம் நிறைந்தவையாக இருக்கலாம்.
ஆனால் காலம் காலமாக அவ்வாறான நடிவடிக்கைகள் தொடரவே செய்கின்றன.
உதாரணமாக, இந்தியாவில் நடைபெற்ற பம்பாய் குண்டுவெடிப்பின் பின்னணியில் பாகிஸ்தான் உளவு நிறுவனம் இருந்தது.
உளவு நிறுவனங்களது செயற்பாடுகள் ஆதாரபூர்வமாக நிரூபிக்க முடியாதளவுக்கு மிக இரகசியமாக திட்டமிடப்படுவதால் நிரூபிப்பது கடினம்.
புறக்கோட்டை குண்டு வெடிப்பு தனது திட்டப்படிதான் நடந்தது என்று ‘றோ’வும் ஒப்புக்கொள்ளப்போவதில்லை. ‘றோ’ சொல்லியே செய்யப்பட்டது என்று புலிகளும் வெளியே சொல்லப்பபோவதில்லை.
சொன்னால் இரு தரப்புக்குமே அது பாதகம்தான். அதனால் இரகசியம் இறுதிவரை பாதுகாக்கப்படும்.
புறக்கோட்டை குண்டுவெடிப்பை தமது அரசியல், இராணுவ நோக்கங்களுக்கும் சாதகமாக இருக்ம் என்பதற்காகவே புலிகளும் செய்வதற்கு ஒப்புக்கொண்டனர்.

மற்றுமொரு தாக்குதல்
கொழும்பு புறக்கோட்டை குண்டு வெடிப்பை அடுத்து, கொழும்பில் புலிகள் மற்றொரு குண்டுவெடிப்பு தாக்குதலுக்கும் திட்டமிட்டனர்.
நடவடிக்கைக்காக அனுப்பப்பட்டவர்களில் ஒருவர் மூர்த்தி. கொழும்பில் விபச்சாரம் செய்துவந்த மனோகரி என்னும் பெண் மூர்த்திக்கு பழக்கமானவர்.
மனோகரியை தன் அருகில் வைத்துக்கொண்டால் யாருக்கும் சந்தேகம் வராது என்று நினைத்தார் மூர்த்தி. குறிப்பிட்ட தொகைப் பணம் தருவதாக சொல்லப்பட்டதால் மனோகரியும் ஒத்துழைக்க உடன்பட்டார்.
கொழும்பில் உள்ள பிரபல ஹோட்டல் ஒன்றில் மனோகரியுடன் தங்கியிருந்தார் மூர்த்தி.
இரண்டாவது நடவடிக்கைக்கும் நீர்வேலி பம்பனின் லொறியில் வெடிமருந்துகள் கொழும்புக்குள் பத்திரமாக கொண்டுவந்து சேர்க்கப்பட்டன.
நிஷாந்தன் என்னும் விக்கிதான் கார்க்குண்டை தயார்படுத்தினார். தாக்குதல் இலக்காக தெரிவு செய்யப்பட்ட இடம்தான் பயங்கரமானது.
மருதானை பொலிஸ் நிலையம், ரயில் நிலையம், பஸ்நிலையம் என்பவற்றை பாதிக்கக்கூடிய பொது இடத்தில் காரை நிறுத்த வேண்டும்.
கார்க் குண்டு வெடிக்கும் நேரம் பாடசாரைகள் விட்டு மாணவர்கள் திரும்பும் மத்தியான வேளையாக இருக்க வேண்டும். மாணவர்கள் மட்டுமல்லாமல், ரயில் நிலையம், பஸ்நிலையம் என்பவற்றில் மத்தியான வேளையில் மக்கள் நடமாட்டம் அதிகமாக இருக்கும்.
புறக்கோட்டை பஸ் நிலைய குண்டுவெடிப்பைவிட மருதானை குண்டுவெடிப்பு பயங்கரமாக இருக்க வேண்டும் என்பதுதான் திட்டம்.
குறைந்தது 300 பேராவது பலியாகக் கூடும் என்று கணிப்பிட்டே திட்டம் தீட்டப்பட்டது.
கார்க்குண்டு தயாராகியதும் மூர்த்தியிடம் காரை ஒப்படைத்தார் நிஷாந்தன். மூர்த்தி காரைச் செலுத்தினார். அருகில் மனோகரி அமர்ந்திருந்தார்.
பொலிசாரும் தள்ளினர்.
மருதானை பொலிஸ் நிலையம் அருகே வந்ததும், போக்குவரத்து நெரிசலில் ஏற்பட்ட பதட்டத்தில் கார் நின்று விட்டது.
மீண்டும் ஸ்டாட் செய்தால் குண்டுவெடித்துவிடுமோ என்று பயந்தார் மூர்த்தி. அதனால் அவரும், மனோகரியும் காரை விட்டு இறங்கி, தள்ளிக்கொண்டு சென்றார்கள்.
இருவராலும் தொடர்ந்து தள்ளிச் செல்ல முடியவில்லை. பொலிஸ் நிலைய வாயிலருகே வந்ததும் பதட்டம் வேறு வந்துவிட்டது.
இதனைக் கவனித்த மருதானைப் பொலிசார் சிலர், “என்ன பிரச்சனை?” என்று கேட்டனர். மனோகரிக்கு நன்கு சிங்களம் தெரியும். ‘ஸடாட் வரவில்லை’ என்று சொன்னார்.
பொலிஸ் நிலைய வாயிலில் கார் நின்றால் மேலதிகாரிகளிடம் திட்டு வாங்க வேண்டியிருக்குமே. அதனால் பொலிசாரும் சேர்ந்து காரைத் தள்ளி நிறுத்தினார்கள்.
ஆனால், காரை நிறுத்த வேண்டிய இடம் அதுவல்ல. இன்னமும் முன்னே செல்ல வேண்டும். மேலும் தள்ளிச் சென்றால் பொலிசார் சந்தேகப்படுவார்களோ என்று இருவரும் பயந்து விட்டனர்.
அதனால் காரை அப்படியே நிறுத்திவிட்டு ‘மெக்கானிக்கை’ அழைத்து வருவதாககக் கூறிவிட்டு, இருவரும் நழுவி விட்டனர்.
குறித்த நேரத்தில் கார்க்குண்டு வெடித்தது.
மருதானைப் பொலிஸ் நிலையத்தில் இருந்த பொலிசார், பஸ் நிலையத்தில் நின்ற பொதுமக்கள் உட்பட 150 பேர்வரை பலியானார்கள். நடைபாதை வியாபாரிகள் 7 பேரும் பலியானார்கள்.
இந்த நடவடிக்கையில் சம்பந்தப்பட்ட மனோகரி பின்னர் கைது செய்யப்பட்டார்.
மூர்த்தி, நிஷாந்தன் ஆகியோர் தப்பிச் சென்றனர். விசாரணையின் போது சகல விபரங்களையும் ஒப்புவித்தார் மனோகரி.
மூர்த்தி, நிஷாந்தன் ஆகியோர் பின்னர் இயக்கத்தை விட்டு வெளியேறினார்கள். நி~hந்தன் சமீபத்தில் கனடாவில் கைது செய்யப்பட்டுள்ளார்.
(தொடர்ந்து வரும்)
எழுதுவது அற்புதன்

அல்பிரட் துரையப்பா முதல் காமினி வரை - பகுதி- 115

இந்தியப் படையினர் ஹெலியில் இருந்து சாவகச்சேரி சந்தையை நோக்கி ஏவப்பட்ட ஷெல்கள்!! எங்கும் பரவிக் கிடந்த சடலங்கள்!! (அல்பிரட் துரையப்பா முதல்...